Heahttá - Bállás -johtolat lea oalle bures merkejuvvon ja dan guoras leat máŋggat bisánanbáikkit. Daninassii johtolat heive maid daidda, geain lea unnán vánddardanvásáhus. Vánddardeami vuođđodieđut ja -dáiddut lea goit buorre hálddašit. Dasa lassin galgá muitit, ahte dálki sáhttá duoddaris rievdat jođánit, ja go bárttáska veahkki lea guhkkin. Johtolat ii heive lihkadaneasttalaččaide.

Reaissu lea buorre plánet ovddalgihtii nu ahte háhká Olgolihkadangárta Bállás - Ylläs, maidda johtolat lea merkejuvvon. Buori johtolatmerkemis fuolakeahttá gánnáha olgolihkadangárttaid váldit vánddardeapmái álohii mielde!

Eatnamat

Johtolat manná molsašuddi eatnamiid mielde: Muhtin muddui eatnamat leat álkit jođihahttit, muhto johtolagas leat maid ceakkovustolagat ja luoitádeamit, dego Bassičearus ja Muohtačearus. Bálggis lea báikkuid geađgái, muhto juovvás oasit leat goit oalle álkit manahahttin hápmahuvvan.

Johtima álkidahtti rasttildanmuorat leat huksejuvvon njuoskaseamos eanansajiide, eaige mátkki guoras leat gáláhagat, daningo jogaid rastá leat huksejuvvon šalddit. Johtolaga davágeahčen, Ovnnesjávrri rasttildanbálvalusaid fállet báikkálaš fitnodatbargit (enontekiolappi.com, suomagillii).

Vánddardeami bistin

Sealgelávkkain johtti vánddarda álššaid ja vásáhusa mielde gaskamearálaččat 3 km diimmus. Dálkedilit váikkuhit goitge johtolaga gáibideaddjevuhtii ja johtinlehttui. Ee. mierkan oainnus galbbas nubbái sáhttá leat heittot. Maiddái duottarbiegga sáhttá dagahit vánddardeamis lossada. Oba johtolaga vánddardeapmái gánnáha várret 3 - 4 beaivvi.