Če'vetjäu'rr – Pulmank -ǩeäinn

Govva: Tuija Kangasniemi/MH.

Sää´mjânnam läänn, Tâ´vv-Sää´mjânnam
Aanar, Uccjokk
Kaldoaivi põõstaijânnamvu´vdd, Če´vetjääu´r - Njauddâm vuu´d
 

 

Če´vetjäu´rr - Pulmank -jåå´ttemǩeäinn mâânn jõnn Kaldoaivi põõstaijânnam čõõđ. Ǩeäin kookkadvuõtt lij 60 - 70 ǩm ǩeäinva´lljeem mie´ldd. Saaujbeä´lnn ǩeäinn mâânn veâl kuålvvši čõõđ, leša tâ´vve mõõnee´st tuõddârõõlâz motstââvv veâl jäänab šââddte´mnallšem da čeä´rrsue´ǩǩ luâttan. Ǩeäinn lij tiõttum käälkain kälkkuum malinovruõ´psses muõrrstå´lbbǩee´jjivui´m.

Ǩie´ssmannu aalǥâst muõtt lij ju´n jäänaš suddâm põõstaijânnmest, leša jõõǥǥ da vuäj tolvva tu´lvväi´ǧǧen. Pää´res jåå´ttemäi´ǧǧ lij evvanpeei´vest kålggmannu aalǥbeä´lnn.

Tä´lvvǩeäinn

Če´vetjääu´rr - Pulmank kõõskâst mâânn tä´lvvǩeäinn, koon kookkadvuõtt lij nu´tt 70 ǩm. Ǩeäinn lij tiõttum luõttu muõrrstå´lbb ǩeäčča rajjum da käälkain kälkkuum ruõ´psses ruõssivui´m.

Tä´lvvǩeäinn lij jurddum čuõiggjid, ij ra´nnilåå´v låå´nstam motorǩeâlkkneeǩǩi vuejjam diõtt. Motorǩeâlkkneeǩǩi diõtt Če´vetjääu´r - Nuorgam kõõskâst mâânn ra´nni, kåå´tt lij tiõttum luõttu muõrrstå´lbb ǩeäčča rajjum käälkain kälkkuum ruõ´psses ruõssivui´m. Tä´lvvǩeäinn da motorǩeâlkkra´nn liâ õ´httemõõnnâmnallšem Če´vetjääu´rest tok-sa Opukasjääu´r räjja, ko´st tõk rätkkje ođđest õ´httnem diõtt â´pet Tsaarajääu´rest.

Tä´lvvǩeäin kaarsiǩ järran ǩie´ssmädd ǩeäinast: tä´lvvǩeäinn mâânn vue´ll'jânnmi pääi´ǩ nu´tt cie´lǩeel jie´ǧǧi da jõrŋŋjääu´ri pääi´ǩ. Tä´lvvǩeäin jeät õnnu nu´tt jåå´ttem diõtt äävai, leša tä´lvvǩeäin â´nne äävai tuâi diõtt Meä´cchalltõõzz huõlltuâjjoummu, raajjväärdtõk da puäʒʒoummu. Čuõǧǧi vuäitt kâ´l jouddâd ää´veed porgglaađ alggtää´lvest da mâŋŋa kuâld.