Säuʹnnkuõškk / Sávdneguoika, láigostohpu

22.3.2024
Várren- ja láigostobuide, maid Meahciráđđehusa Luonddubálvalusat bajásdoallá, sáhttá dahkat várremiid jahkái 2025 spiehkastatlaččat easka skábmamánu 2024 álggus. Lassedieđut
Njávdánjoga máttagáttis njoaiddo soahkevuovdevielttis hirsastohpu lea luossabivdiid doaivvačuozáhat. Njávdánjoga Sávdneguoika lea erenoamáš luossabivdinbáiki.

Sajádat

Davvi-Lappi, Anár, Galddoaivvi meahcceguovlu, Čeavetjávrri–Njávdáma guovlu.

Geassit: Geassegeinnodat lea merkejuvvon oránša málamearkkaiguin muoraide ja geđggiide. Geinnodat vuolgá Njoammilguoikka P-sajis Čeavetjávrri bára luoddaearus s. 10,4 km Njávdáma guvlui. P-sadji lea geainnu gurut bealde Čeavetjávrris boađedettiin. Vázzinmátki stobo lusa lea s. 7 km. Sávdneguoikka stohpui johtto seamma bálgá mielde go Guošjnajoga stohpuige. Bálggis lea báikkuid geađgái ja losimus vustolagat leat Njoammiloaivvi ala ja Boaresvárrái (Vanhavaara). Lahka Njávdánjoga bálgát earránit stobuide; Säuʹnnkuõškk / Sávdneguoikka stohpui jorgaluvvo badjerávnnji guvlui máttaviestarii ja Guošjnajohkii jorgaluvvo vulos nuortasdavás. Fuomáš bálgáid earráneami! Njávdánjoga guorra lea dulbes eana.

Dálvit: Geinnodat lea merkejuvvon alit mearkkaiguin sihke mohtorgielkámáđii mearkkat: Čeavetjávrri girkosiiddas 13,5 km Njávdáma guvlui, Njoammiljávrri gáddái. Geainnu gurut bealde lea parkerensadji, gos beassá mohtorgielkámáđii ala. Reahkejávrri davágáttis earrána merkejuvvon dálvegeinnodat stobo lusa, gosa lea mátki s. 10 km.

Lagamus geassestohporánnjái 3 km.

Stobu koordináhtat: Euref-Fin (~ WGS84) lat: 69° 38.1217' lon: 28° 43.9829' ETRS-TM35FIN: N: 7726164 E: 567299

Lagamus gilli lea Čeavetjávri ja Njávdáma gilli 25km, gos lea boaldámušstášuvdna ja gávpi. Avvil–Njávdán-eatnangeainnus linjabiilaoktavuohta (árgabeivviid).

Retkikartta.fi (suomagillii)

Haddi

80 € / jándor dahje 560 € / vahkku. Hattit sis 10% álv.
Stohpu várremássii njukča-golggotmánus. 

Čoavdagat

Čoavdagiid sáhttá viežžat Ivalo River Camping (ivalorivercamping.com, suomagillii) (Kerttuojantie 1, 99800 Avvil (Anár) tfn. 040-039 5046) dahje Avvila bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái.

Biergasat

Muorrauvdna liggen, gássauvdna, olgohivsset, čuovgan gintalat, juhkančáhci jogas, eanakeallir, olgodolasdallansadji ja suovastangássa. Fuom. Ii fanas.

Stobus leat bázahuslihtit. Loga lasi ruskkahis vánddardeamis.

Fuopmášumit

Stobus ii lea hivssebábir iige gintalaid. Stohpui oažžu buktit biebmoealliid.
Mohtorgielkkáin vuodjin gáibida meahccejohtolatlobi. Lobi sáhttá skáhppot eraluvat.fi -siiduid (suomagillii), Luondduguovddáš Siiddas dahje Avvila bálvalanbáikkis.
Fuom! Skáhppo lobi maŋimustá vahku ovdal čuozáhatbáikái vuolgima.

Giehtatelefovnnaid gullon

Guolásteapmi
Njávdánjoga lobit leat dihtomearri.
Rávdnjebáikkiin guolástettiin galgá leat mákson stáhta guolástandikšunmáksu (eraluvat.fi, suomagillii) sihke vapakalastuslupa (eraluvat.fi, suomagillii). Fuomáš, ahte Njávdánjoga lobiin lea dihtomearri. Guolástanlobiid vuvdet Meahciráđđehusa áššehasbálvalansajiid lassin maiddái báikkálaš fitnodatolbmot.

Fuolahusas vástida

Meahciráđđehus, Luonddubálvalusat.
Lassidieđut Luondduguovddáš Siida, tel. 0206 39 7740.

Várrendilli

Várre Eräluvat-gávppis

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Sávdneguoika láigostobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi