Luondduvideot YouTubes

Makkár lea Mearrabađa álbmotmeahcci? Makkár lea skálžodutki bargu? Meahciráđđehusa YouTube-kanálas sáhttá geahččat oanehaš videoid Suoma fiidnámus luonddubáikkiin ja luonddugáhttenbarggus. Sirdašuva kanálai (www.youtube.com).
Back

Pilohttageahččaleapmi: Dálvveáigge meahccejohtaluslohpi árbevirolaš luonddugeavahusain bargamii Davvi-Sámis

2/27/18

Golmma davimus gielddas álgá pilohttageahččaleapmi árvvoštallanguovdasaš dálvveáigge meahccejohtaluslobis, mii lea dárkkuhuvvon dahkat vejolažžan árbevirolaš luonddugeavahusain bargama sámiid ruovttuguovllus Eanodagas, Anáris ja Ohcejogas. Geahččaleapmi bistá 2018 giđa áigge. 

Eanodagas, Anáris ja Ohcejogas sáhttet mieđihuvvot gielddas eret mutkon, guovllus bajás šaddan ja luonddugeavahusa árbevieru oahppan olbmui meahccejohtaluslohpi johtolagaid olggobeallái dihto ákkaid mielde. Gažaldatvuloš meahccejohtaluslohpi lea persovnnalaš, dat ohccojuvvo čálalaččat, ja dat árvvoštallojuvvo ohcciguovdasaččat. 
 
Lobi mieđiheami vuolggasadji lea dárbu bargat bearraša/soga boares luonddugeavahusa árbevieruiguin. Dakkárat leat ovdamearkka dihte ruovttudárboguolástus, árbevirolaš dálveoaggunguovlluide johtin, boazobargguide johtin dehe eará árbevirolaš luonddugeavahusain bargan. 

Lobi mieđiheami dárkileabbo ákkat: 

Lobi ohcci lea riegádan ja šaddán bajás dehe bajásšaddan Eanodagas, Anáris ja Ohcejogas ja mutkon olgobáikegoddái, muhto čanastat luonddugeavahussii árbevirolaš guovlluin lea seilon. Jos lea riegádan eará báikkis, muhto lea šaddán bajás ráves olmmožin om. gielddain ja čanastat luonddugeavahussii árbevirolaš guovlluin lea seilon, de leat maid ákkat lobi oažžumii. 
 
Lohpi sáhttá mieđihuvvot dušše dan gildii, gos lohpeohcci lea eret. Meahccejohtaluslohpi sáhttá mieđihuvvot johtimii árbevirolaš návddašan- ja geavahanguovlluide. Lobis ráddjejuvvo geavahanguovlu sihke vejolašvuođaid mielde johtolagat, maidda guvlui mannojuvvo. 
 
Lohpeguovlluin sáhttet ráddjejuvvot eret ovdamearkka dihte luonddusuodjalanákkaid geažil dihto guovllut. Álbmotmehciin ja luonddumehciin doahttaluvvojit guovlluid ortnetnjuolggadusat. 
Lobis lea máksu (50 euro), ja lobi gieđahallanáigi lea 14 jándora. 
 
Dát lohpelinnjen lea vuoimmis geahččalanlundosažžan giđđaáigodaga 2018, ja geahččaleami geažil lobit mieđihuvvojit Anárii ja Ohcejohkii duššefal Avvila áššehasbálvalanbáikkis ja Eanodagas Duottar-Sámi luondduguovddážis Heahtás báikki nalde dehe telefovnna bakte. 
 
Lassidiehtu

Maiddái Retkikartta.fi doaibmá mobiilabirrasis

Retkikartta.fi doaibmá dal mobiilabirrasis