Luondduvideot YouTubes

Makkár lea Mearrabađa álbmotmeahcci? Makkár lea skálžodutki bargu? Meahciráđđehusa YouTube-kanálas sáhttá geahččat oanehaš videoid Suoma fiidnámus luonddubáikkiin ja luonddugáhttenbarggus. Sirdašuva kanálai (www.youtube.com).
« Takaisin

Bures boahtin muittašit Siidda 20-jagi historjjá!

3/20/18
Sámemusea ja Badje-Lappi luondduguovddáš Siidda 20-jagi ávvudoalut leat 27.3.2017. Seamma beaivve  rahppojit maid guokte ođđa čájáhusa: vuosttas lea Johan Nuorgam – Sámi gaskkusteaddji ja nubbi fas Siida 20 jagi govvaráidu, masa leat čohkkejuvvon čuovgagovat Siidda álgojagiid rájes.
 
Siidda rahpandoaluin 1998 bátti čuohppamen Sámemuseavuođđudusa ságadoalli Onerva Pohjanrinne, Meahciráđđehusa oaivehoavda Pentti Takala ja kulturministtar Claes Andersson.
 
Govvaráidu lea Sámemusea ja Badje-Lappi luondduguovddáža oktasaš čájáhus ja dainna ávvudat Siidda 20-jagi doaimma. Čájáhusas leat  govat ja deavsttat, mat muitalit muittuid Siida-dálu oktasaš bálgá alde. Govvaráidui leat válljejuvvon govat jagi 1998 rájes gitta otná beaivái ja dat fálláge vejolašvuođa máhccat áiggis maŋosguovlluid Siidda čájáhusaide ja dáhpáhusaide, mat leat báhcán millii jagiid áigge. 
Arkiivvain gávdnon govain fuobmát sihkkarit oahpes olbmuid, boađe geahččalit geaid dovdát!
 
Govvaráiddu oktavuođas lea guossegirji ja dasa juohkehaš oažžu čálistit iežas muittu Siidda birra. Guhkit muittašemiid sáhttá doaimmahastit maid e-boastta bokte čujuhussii siida@samimuseum.fi dahje sáddestit boastta bokte čujuhussii Sámemusea Siida, Inarintie 46, 99870 Anár. Sosiála medias muittuid ja ávvujagi dovdduid ja dáhpáhusaid sáhttá juogadit ja čuovvut fáddagilkoriin #Siida20.
 
Lassidieđut:
 
 
 

Maiddái Retkikartta.fi doaibmá mobiilabirrasis

Retkikartta.fi doaibmá dal mobiilabirrasis