Luondduvideot YouTubes

Makkár lea Mearrabađa álbmotmeahcci? Makkár lea skálžodutki bargu? Meahciráđđehusa YouTube-kanálas sáhttá geahččat oanehaš videoid Suoma fiidnámus luonddubáikkiin ja luonddugáhttenbarggus. Sirdašuva kanálai (www.youtube.com).
« Takaisin

Siida mielde Taideteestaajat-fidnus

2/16/18

Sámemusea Siida lea mielde riikkaviidosaš Taideteestaajat-fidnus, oktan báikin eará báikkiin Lappi eanagottis. Čakčat 2018 bohtet gávccátluohkálaččat miehtá Lappi oahpásmuvvat Siidii ja sámi dáidagii, sihke iežaset ruohttasiidda.  

 
Siiddas illudit das, go leat beassan mielde dán fidnui. Fidnu lea Siidii maid earenomáš buorre vejolašvuohta oahpásmahttit nuoraid dáidda- ja kulturbajásgeassima bokte iežaset ruohttasiidda, sohkii ja ruovttuguvlui. Taidetestaajat-fidnu olis Siida ja sámi mánáidkulturguovddáš Mánnu fállet nuoraide sámedáidaga lassin maid dieđuid sámiid birra. Dieđuid, mat gullet dábálaš čuvgehussii. Nuorat besset ieža vásihit ja leat oassin servoša. Seammás sidjiide addojit bargoneavvut dutkkadit iežaset ja speadjalastit iežaset jurdagiid.
 
Taidetestaajat lea riikkaviidosaš stuorra fidnu, man ruhtada Suoma Kulturruhtarádju. Fidnu álggii 2017 ja golmma jagi áigge dat doalvu buot Suoma gávccátluohkálaččaid – oktiibuot lagabui 200 000 nuora – vásihit ja árvvoštallat dáidaga. Vuosttas lohkanjahki lea dal sullii beallemuttus. Mielde leat buot Suoma skuvllat Ohcejogas gitta Hankoi. Buot nuorat galledit oktii muhtin dáiddabáikkis iežaset eanagottis ja oktii fas riikkaviidosaš báikkis. Helssegis leat eanemusat riikkaviidosaš báikkit.
 
"Taidetestaajat-fidnu galledanbáikkit leat alla dássi dáiddaorganisašuvnnat, mat barget buori ovttasbarggu. Lohkanjagi 2018–2019 válljemiin lea váldon vuhtii maid fálaldaga máŋggabealatvuohta." daddjo fidnu dieđáhusas.
 
Fidnu ruhtadit Suoma Kulturruhtarádju ja Svenska kulturfonden ja fidnu koordinere Suoma mánáidkulturguovddážiid lihttu. Fidnu bušeahtta lea 20 miljon euro.
 
Lassedieđut

Maiddái Retkikartta.fi doaibmá mobiilabirrasis

Retkikartta.fi doaibmá dal mobiilabirrasis