Johtinoktavuođat

Earret nuortan eatnangeainnut leat miehtá Anárjávrri birra. Geainnuhisvuohta leage váldosivvan dasa, ahte jávrri nuorttabeallai lea vuođđuduvvon Váhčira meahcceguovlu.

Go vuolgá Avvilis, de sáhttá johttát juogo davás dahje nuorttas. Davás manadettiin váldogeaidnu olle Anárjávrri gáddái Anára girkosiiddas, 40 kilomehtera duohken Avvilis.

Juo Avvilis beassá čáziid mielde Anárjávrái. Fatnasa sáhttá luoitit čáhcái gili guovddážis čujuhusas Petsamontie 5, gokko lea Siwa -gávpi ja linnjabiilastašuvdna. Vistti duohken Avviljoga gáttis lea fanasluoitinsadji ja parkerensadji.

Anárjávrri lahkonankárta © Meahcirađđehus 2013

Biillain

Davil Anárjávrái

  • Ádjájávrái (Áijihjävri) váldogeaidnu nr 4 (E75) 10 km davás Avvilis. Ádjájávri lea dasttán geaidnoguoras, muhto almmolaš fanasluoitinsadji ii jávrái leat. Ádjájávrri ja Anárjávrri ovttastahtti čoalbmi lea Ádjájávrri nuortadavágeahčen Heavnnenjárgga (Evnnjargâ) buohta.
  • Anára girkosiiddas jávrri ala beassá juogo gieldda fanashámmanis dahje báikkálaš turismafitnodaga gáttis.
  • Bárttet (Päärtih) lea Anáris davás Čeavetjávrri geainnu nr 971 mielde sullii 38 kilomehtera, ja dasto geaidnu jorggiha Käyräniemii. Käyräniemis lea gieldda fanasluoitinsadji ja parkerensadji.
  • Njižžejávri (Njižžjävri) lea oktavuođas Anárjávrái. Njižžejávrái lea Anára girkosiiddas (geaidnu nr 971) sullii 70 kilomehtera.

Nuorttal Anárjávrái

  • Njellima fanashámman, masa sáhttá vuodjit geainnu nr 969 mielde nuorttasguvlui. Njellimii lea Avvilis 41 kilomehtera.
  • Veskonjárgga (Veskonjargâ) fanashámman, masa vuddjojuvvo Njellimageainnu nr 969 mielde sullii 9 km, ja dasto geaidnu jorggiha gurut beallai Veskonjárgii, gosa lea vel 14 kilomehtera. Ovdal Veskonjárgga gili lea Meahciráđđehusa bajásdoallan Naŋŋanjárgga (Naŋŋânjargâ) fanashámman. Geaidnu lea mohkkái ja das leat ollu miellit, ja go das sierranit eará geainnut, de kártii lea dárbu.
  • Goahppilis (Kuáppil). Avvila gili davábealde šalddi maŋŋá jorggiha geaidnu olgeš beallai. Goahppila geainnu mielde vuddjojuvvo sullii 11 km, man maŋŋá geaidnu nohká johkagáddái. Dakko lea fanasluoitinsadji ja parkerensadji.

Jos autonavigáhtor lea anus, de gánnáha diktit dan stivret vuolginsadjái. Vuolginsajiid koordináhtat leat almmuhuvvon čuoggás "Reaissu vuolginsajit"

Almmolaš fievrruiguin

  • Avvilii ja Anárii leat beaivválaš linnjabiilaruvttot Roavvenjárggas, Ohcejogas, Gáregasnjárggas ja Njávdámis. (www.matkahuolto.fi, suomagillii)
  • Lagamus girdišillju (www.finavia.fi, suomagillii) lea Avvilis.

Kárttat

Elektrovnnalaš kárttat

Anárjávrri čuozáhatkárta © Meahcirađđehus 2013

Eará kárttat

  • Fanastallankárta 480, 1:50 000, Mearrajohtinlágádus 2011. Kártta sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Anára čujuhus- ja astoáiggekárta, 1:150 000, (Inarin osoite- ja virkistyskartta), Sámi eanamihtidandoaimmahat 2013. Kártta sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Eanadatkárttat nr W511, W512, W513, W514, W521 ja W522 1:50 000, Maanmittauslaitos 2008. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • GT tuvrakárta Davvi–Suopma (tiekartta Pohjois–Suomi) 2013, 1:400 000.

Kárttaid vouvdinbáikkit

Párkerensájit

Anár

  • Satamatie, 99870 Inari

Avvil

  • Petsamontie 5, 99800 Ivalo (Inari)

Eará parkerenbáikkit