Čuoigan Čuoigan Vánddardeapmi Sihkkelastin Geočiehkan Guolasteapmi Lottiid dárkun Luondduguovddážat Luonddubálgát Murjen ja guobbariid čoaggin Meallun ja suhkan Oaidnámušat ja čáppa duovdagat

Návddaš Eurohpá ráidnaseamos duottaráimmus buot ládje. Gicco muorahis alážiidda. Lihkat ja vuoiŋŋas dađi mielde maid du gorut juste dál dárbbaša.

Lihkadeapmi álbmotmeahci soames osiin lea gildojuvvon dihto jagiáiggiid. Amma dárkkistat ášši ovdal go vuolggát reisui.

Čuoigan

Álbmotmeahci duottarduovdagat leat dego sivdniduvvon meahccečuoigamii. Ovnnes- Bállas- ja Ylläsduoddariid guovllus leat merkejuvvon čuoigangeinnodagat oktiibuot sullii 500 km. Oassi láhtuin lea meahcceláhtut, maid vuođđun leat dušše fuolahusmohtorgielkkáid mađiijat. Álbmotmeahci čáppa duoddariin sáhttá čuoigat almmá láhtuge haga.

Govva: Olli Vainio

Vánddardeapmi

Vánddardangeinnodagain bivnnuheamos lea jagi 1934 ásahuvvon Heahttá-Bállas-geinnodat (55 km), mii lea šaddan vánddardanmáilmmi klassihkkár. Duottar-Lappi johtolat ovttastahttá álbmotmeahci birrasa gilážiid ja turistaguovddážiid oktan geinnodagaide, main sáhttá johtit iešráđálaččat, muhto maid ovttasbargofitnodatdoalliid bálvalusaid vehkiin.

Beaivevázzintuvrraide leat fállun merkejuvvon geinnodagat oktiibuot sullii 350 km. Álbmotmeahci luonddubálgáin lea dávjá álkit johtit ja doppe oahpásnuvat duottarguovllu lundui.

Meahccesihkkelastin

Bállás-Ylläsduoddara álbmotmeahcis oažžu sihkkelastit measta buot virggálaš merkejuvvon geassegeinnodagaid mielde. Leat goittotge muhtin spiehkastagat. Ylläs-guovllus leat máŋggat merkejuvvon meahccesihkkelastingeinnodagat, degomat ođđa Ylläs - Levi -geinnodat. Čuovgat birra jándora, fiinna duovdagat ja guhkes máŋggabealagis geinnodagat dáhkidit vásáhusa, man it vajálduhte.

Govva: Juuso Ritari

Eará aktivitehtat

  • Geočiegat: Bállás–Ylläsduoddariid guovllus leat máŋggat geočiegat.
  • Guolásteapmi: Álbmotmeahci guovllus sáhttá guolástit máŋggain čázádagain. Oahpásnuva vuos guolástannjuolggadusaide (julkaisut.metsa.fi). Guolásteaddji: dárkkis guolástusráddjehus "kalastusrajoitus.fi!" (https://kalastusrajoitus.fi/#kalastusrajoitus, suomagillii). 
  • Lottiid dárkon: Duottar-Lappis don leat gironiid, bihčosiid, láfoliid, állahiid ja háskiliid ruovttueatnamiin.
  • Luondduguovddážat: Bállásduoddara luondduguovddáš, Duottar-Lappi luondduguovddáš ja Ylläsduoddara luondduguovddáš Kellokas fállet čiekŋudeaddji vásáhusaid duottarráiddu luonddus, kultuvrrain, árgabeaivvis ja historjjás. Luondduguovddážiin gávnnat luonddugávppiid, lobiid, čájáhusaid ja ofelastima.
  • Luonddubálgát: Vahkku ii leat doarvái álbmotmeahci buot 18 luonddubálgás johtimii. Deike lea bággu máhccat! Loga lasi
  • Murjen ja guobbariid čoaggin: Hárve sarrenbáikkis sáhttá murjet njuolggočilggiin, nu movt duottarvielttis. Vilttiid jekkiin sáhttá lubmet váccašeami oktavuođas. Guoppareatnamiin šattat gilvvohallat dušše bohccuiguin.
  • Meallun ja suhkan: Durdnos-Muonájohka, nappo Fávli ja Ovnnesjohka leat leamaš Duottar-Lappi váldogeainnut, main dáid áiggiid návddašit sihke guolásteaddjit ja meallut ja nu maid fatnasiin johtaleaddjit.
  • Oaidnámušat ja čáppa duovdagat: Gos vel livččii čábbásut duovdagat go álbmotduovdagiid Duottar-Lappis?
  • Dáhpáhusat: Fállun luonddudiehtu, čájáhusat, kultuvra ja tuvrrat.
  • Vuojadeapmi: Duottarjávrrit fállet earenoamáš vásáhusaid geasset ja rutnit ges dálvet, muhto guovllus ii leat almmolaš vuojadangáddi.
  • Eaktodáhtolaš doaibma: Stuorra álbmotmeahcci dárbbaša jámma fuolaheaddji gieđaid. Searvva mielde eaktodáhtolašdoaimmaide stobuin, geinnodagain ja duoddaris.

Čavčča tuvraevttohusat

½ beaivvi: Oahpásnuva Duottar-Lappi luondduguovddážii ja Jyppyrä várdádandievvái.

1 beaivi: Njuike fatnasa fárrui Ovnnesjávrri badjel ja vácce Pyhäkeroi.

2 beaivvi: Vácce Heahtás Ketomellai ja idjat dan gaskkas Sioskurus dahje Pahakurus. Dat guhte lea searra, geargá vázzit Hannukuru bokte Vuottešjávrái ja Ylikyröi.

3 beaivvi: Čakča lea buoremus áigi gilážis gillái- tuvrii. Sáhtát leat sihkkar ahte oačču vuogas idjadansaji, buori biebmu, deaivvat báikkálaš olbmuid ja beasat vázzit nu ahte it dárbboš gurput biergasiiddát.