Bállás-Ylläsduoddara bálvalusat

Áššehasbálvalus ja oahpisteapmi

Ylläsduoddara luondduguovddáš Kellokas

  • oahpásnuhttá du Oarje-Sámi lundui sihke Ylläs-Aakenusa duottarguvlui ja dan máŋggabeallásaš vánddardanvejolašvuođaide.
  • Min eallin -luonddučájáhus; av-čájáhusat; molsašuvvi čájáhusat; dáhpáhusat; luondduguovddáža ja Varkaankuru oahpisteamit, main lea máksu.
  • vánddardanneavvun; mátkemuittut; guolástanlobit
  • gáfestallanbáiki

Bállásduoddara 

Bállásduoddara luondduguovddáš lea giddejuvvon doaisttážii divvuma dihtii. Luondduguovddáža áššehasrávvejeaddjiide sáhttá goittotge riŋget ja sáddet šleađgapoastta dábálaččat. Maiddái stobuid čoavdagiid oažžu, go dain lea sohppojuvvon ovddalgihtii.

Duottar-Sámi luondduguovddáš Heahtás

  • čájáhus, mii muitala guovllu luonddus ja nomadismmas; áv-čájáhusat, molsašuvvi čájáhusat ja dáhpáhusat
  • diehtu buot Giehtaruohttasa meahcceguovllu bálvalusain ja vejolašvuođain sihke lobit ja stohpovárremat.
  • gárttat; girjjit; báikkálaš mátkemuittut, gáfestallanbáiki
  • mávssu vuostá oahpisteamit luondduguovddáža čájáhusaide
  • gáfestallanbáiki

Mánná leike juhkamuša gohppui biisse ovddas.

Turismafitnodagaid lágidan bálvalusat álbmotmeahcis

Boradeapmi, málesteapmi ja nisttiid háhkan

Gáfestallanbáikkit ja restauráŋŋat

  • Álbmotmeahci lagaš giliin ja turismaguovddážiin leat gáfestallanbáikkit, restauráŋŋat ja gávppit. Kellokasa luondduguovddážis ja Duottar-Sámi luondduguovddážis lea gáfestallanbáiki. Duottar-Sámi luondduguovddáža gáfestallanbáiki lea rabas turismma sesoŋŋaáiggiid. Bállásduoddara luondduguovddáža guoras lea Hotelli Pallas bálvalusaidisguin.
  • Álbmotmeahcis leat maid johtolagaid guoras bálvalusat.
    • Ovnnesduoddara Bassičearus lea ávdinstobu lassin bálvalanstohpu, mas lea giđđadálvve gáffestohpu, man fitnodatolmmoš doallá rabas. Sesoŋŋaáigge olggobealde stohpu láigohuvvo eará turismafitnodatolbmuid atnui. Stobu sáhttá várret Duottar-Sámi luondduguovddážis.
    • Ylläs - Aakenus -guovllu láhttogáfestallanbáikkit leat rabas sesoŋŋaáiggiid (rabasorrunáiggiid gánnáha sihkkarastit Kellokasas).
      • Kesänginkeidas lea Kesänkijärvi nuorttageahčen s. 5 km Äkäslompolos nuorttas.
      • Kesänkikeidasis nuorttas s. 2 km lea Latvamaja láhttogáfestallanbáiki.
      • Kukas-, Lainio- ja Pyhätunturi guoras lea Kotamaja láhttogáfestallanbáiki, mii lea rabas giđđasesoŋŋa áigge.
      • Dasa lassin álbmotmeahci lahkosiin lea gáfestallanstobuid rabasdoallandoaibma Ylläsjärvi lulábealde Aurinkotupas, oarjjábealde Tunturijärvi kioskkas ja Äkäsjoki guoras Háldi (Velho) goađis.
      • Kukastunturi davábealde lea giđđasesoŋŋa áigge rabas Peurakaltio stálljegáffestohpu.

Dolastallanbáikkit

Álbmotmeahcis dehe dakka dan lahkosiin leat dolastallama várás ja dálkesuodjin lávut, goađit ja dolastallanbáikkit. Álbmotmeahci áhpásnuvvangeavahusavádagas dola bidjan lea lobálaš dušše dan várás huksejuvvon dolastallanbáikkiin. Álbmotmeahci ravdaavádagas dola oažžu cahkkehit čázádagaid lahkosis rissiiguin ja ovssiiguin, mat leat eatnama nalde. Eanabuollinváruhusa áigge sajusdola bidjan lea gildojuvvon juohke sajes, maiddái merkejuvvon dolastallanbáikkiin ja rabaslávuid árraniin. Goikáseamos áigge ávžžuhuvvo, ahte dolla ii cahkkehuvvo gođiid ja stobuid dollasajiinge.

Várrevielttis ruškadin málejuvvon muorragoahti, man uksaguoras lea šilljogusta. Duogábealde beazir ja belohahkii balvái albmi. Lea geassi.

  • Dolastallanbáikkit leat
    • Rávdojávrres Ovnnesduoddariid oarjjádavábealde álbmotmeahci olggobealde
  • Goađit leat
    • Savilampis
    • Hietajärvis
    • Varkaanjärvis
    • Suvašguras
    • Rihmakurus
    • Sarvijärvis
    • Bállásčearu vuolde
    • Mustavaaras
    • Vuontisjärvi oarjegáttis álbmotmeahci oarjjábealde 
    • Pyhäjärvi birrasis
    • Haavepalos
    • Aakenusjärvis
    • Lainiotunturis, gos lea Karhukota
    • Tahkokurus
    • Tuomikurus
    • Varkaankurus
    • Tunturijärvis
    • Kotamajas
  • Beaivereaissuid dálkesuodjelávut leat
    • Pyhäjärvis
  • Beaivestobut leat dárkkuhuvvon vuoiŋŋasteami, dolastallama ja nisttiid borrama várás. Dat leat

Juhkančáhci

  • Stobuid lahkosis juhkančázi gánnáha viežžat juogo gáivvos dehe eará merkejuvvon čáhcebáikkis dehe dárbahassii guhkkin visttiin. Lieggasiid áigge čázi gánnáha vuoššat.

Lagašgovas guksi, mainna goivejuvvo čáhci šearrádit golgan ádjagis

Bázahusfuolahus

  • Eanas barttain ja stobuin leat ain bázahuslihtit. Ylläs - Aakenus -guovllu lávuin ja stobuin leat bázahuslihtit váldojuvvon eret ja boahtteáigge oba álbmotmeahci guovllus vigget sirdásit ribahis vánddardeapmái. Dalle vánddardeaddjiid vurdet buktit ieža bázahusaideaset eret meahcis. Ekočuokkis lea maid Kellokasa, Bállásduoddara ja Duottar-Sámi luondduguovddážis.

Hivssegat

  • Ávdin-, beaive- ja várrehusstobuid sihke lávuid ja eanas dolastallanbáikkiid olis lea olgohivsset.

Idjadeapmi

Dealttástallan

  • Álbmotmeahci áhpásnuvvangeavahusavádagas dealttástallan lea lobálaš stobuid ja dolastallanbáikkiid lahkosis. Ravdaavádagas dealtásaji oažžu friddja válljet.

Ávdinstobut

Várrenstobut

  • Várrenstobut leat golbma. Daidda galgá várret ovddalgihtii seaŋgabáikki idjadeami várás. Buot várrenstobuin leat gávcci seaŋgabáikki. Várremat dikšojuvvojit Bállásduoddara luondduguovddážis. Čoavdagiid sáhttá viežžat juogo Bállásduoddara, Kellokasa dehe Duottar-Sámi luondduguovddážis. Seaŋgabáikki haddi lea 16,50 euro / olmmoš / idja:

Láigostohpu ja -barttat

  • Álbmotmeahci siste leat guokte láigostobu, maid sáhttá láigohit ollásii iežas atnui.

Ássanbiillaid orusteapmi

  • Aitosaš gohttenbáikkit bálvalusaidisguin eai álbmotmeahci viidodaga siste leat. Ássanvovnnaiguin ja -biillaiguin johttiide lea orustanguovlu Bállásduoddara luondduguovddážis kilomehtarbeale lulás. Doppe eai leat goitge bálvalusat. Bállás-Hotealla, Hotelli Vuontispirtti ja Jerisa sihke Heahtá, Äkäslompolo ja Ylläsjärvi hoteallaid olis leat bálvalusat maid ássanvovnnaiguin mátkkošteaddjiide.

Idjadeapmi lagašguovlluin

Sávdnji

  • Hánnoguras lea rabas sávdnji, mii lea buohkaid anus. Sávnnji geavahanmáksu lea 10 e / rávesolmmoš, 5 e / mánná (vuollel 7j) dehe jovkui gullevaš (joavku lea > 10 olbmo).
  • Máksit sáhttá ovddalgihtii Bállás-Ylläsduoddara álbmotmeahci luondduguovddážiidda.

Biergasiid láigoheapmi

  • Lagašguovllu fitnodagain sáhttá láigohit fatnasiid, kanohtaid, meahcce- ja čierastallansabehiid, vánddardangápmagiid ja meahccesihkkeliid.

Easttahis bálvalusat

  • Kellokasa ja Duottar-Sámi luondduguovddáža čájáhusaide sáhttá oahpásnuvvat maid rullastuoluin.
  • Duottar-Sámi ja Kellokasa luondduguovddážis lea inva-wc.
  • Pyhäjoki luonddubálgá álgooassái beassá oahpásnuvvat rullastuoluin.
  • Kellokasa luondduguovddážis vuolgá oanehis rullastuollojohtolat lagašjeaggái. Johtolaga guoras leat oahpistandávvalat, mat muitalit luonddus. Goahtái doalvu rullastuolloluodda, muhto šiljus ja johtolagain lihkadeapmái dárbbahuvvo veahkeheaddji. Maiddái Kellokasa šilju vuovdebargomuseai beassá rullastuoluin jos mielde lea veahkeheaddji.
  • Eará čuozáhagat, mat leat álkit olaheamis, leat Pakasaivo ja Ylläsjärvi loddedoardna.

Fanastallid bálvalusat

  • Bállásjávrris leat guokte stáffu, main lea betonafanashállan. 

Eará bálvalusat lagašguovlluin

  • Gávppit leat Äkäslompolos, Ylläsjärvis, Gihttelis, Kolaris, Muonios, Heahtás ja Raattamas.
  • Gáfestallanbáikkit ja restauráŋŋas leat Äkäslompolos, Ylläsjärvis, Bállásis, Raattamas, Vuontispirttis, Kutunivas, Jerisis, Olosis, Muonios ja Heahtás.
  • Lagamuš báŋkkut ja báŋkoautomáhtat leat Äkäslompolos, Gihttelis, Kolaris, Muonios ja Heahtás. Báŋkogoarta heive eanas báikkiin máksingaskaoapmin.
  • Gihttelis, Kolaris, Muonios ja Heahtás lea maid boasta, aptehka, dearvvašvuohtaguovddáš ja eará gieldaguovddážiid bálvalusat.
  • Dákset leat measta juohke gilis
  • Galleriat, museat ja eará oaidnámušat leat máŋgga gilis
  • Biilasirdinbálvalusat ja fánassáhtut
  • Mávssu vuostá vánddardeaddji sáhttá sávdnjut ja mannat rišus Heahtás máŋgga idjadanviesus ja Bállása birrasis ee. Hotelli Jerisa ođđa lávggohagas. Äkäslompolos ja Ylläsjärvis leat máŋggat fitnodagat, mat fállet orrunbálvalusaid.
  • Lassidieđut gielddaid ruovttusiidduin; Eanodat (enontekio.fi, suomagillii), Gihttel (kittila.fi, suomagillii), Kolari (kolari.fi, suomagillii) ja Muonio (muonio.fi, suomagillii).