Buljju meahcceguovllu sajádat SuomasDavvi-Lappi
Eanodat (www.enontekio.fi, suomagillii) ja Gihttel (www.kittila.fi, suomagillii)
Viidodat 614 km2, vuođđuduvvon 1991
Guovllu dikšu Meahciráđđehus.

Buljju meahcceguovlu viiddes jekkiiguin ja máŋggain váriiguin ja duoddariiguin heive bures hárjánan vánddardeaddjiide. Loahppageasis luopmániid láddanáigge guovllu jeakkit geasuhit maid beaivevánddardeaddjiid. Leahan dát guovlu, man čađa manná luodda, oalle álkes guovlu deaivilis luomečoaggiide. Guovllu čađa Njunnása ja Buljju giliid gaskkas manná davve-nuortaguovllu mielde sihke luodda ja mohtorgielkáluodda.

Meahcceguovllu birastahttet máŋggat suodjalanguovllut. Guovllu nuortabealde lea Leammi álbmotmeahcci, davveoarjin guovllu rádjin lea Bievrrášjávrri meahcceguovlu ja davvin rádjin lea Norgga rádji. Norgga bealde lea Badje-Anárjoga álbmotmeahcci (www.miljodirektoratet.no, dárogillii).

Boazodoallu lea dehálaš ealáhus Buljju meahcceguovllus. Dán guovllus golmma sierra bálgosa boazosápmelaččat guođohit bohccuideaset. Gorsaduoddaris, gos Eanodaga, Gihttela ja Anára gielddat deaivvadit, ovttastuvvet maid Neakkela, Kuivasalmi ja Sállevári bálgosiid rájit.Giru bálgosa davvenuortarádji lea Gorsaduoddara vuollevielttis. Gorsastobus iešguđet guovllu boazosápmelaččat oaidnalit ja lonuhit ságaid.

Dán siiddu čujuhus lea www.lundui.fi/bulju

Guovllus fuolaha Meahciráđđehus, Lappi Luonddubálvalusat, Pilke, Ounasjoentie 6, 96200 Roavenjárga.