Áššehasbálvalus ja oahpisteapmi

Boradeapmi, málesteapmi ja nisttiid háhkan

Kafeat, restauráŋŋat, gávppit ja kioskkat

  • Eanodaga girkogilis Heahtás leat kafeat, restauráŋŋat, gávppit ja kioskkat.
  • Raattama gilis leat gávpi ja restauráŋŋa.
  • Lassidieđuid oažžu Eanodaga suohkana (www.enontekio.fi, suomagillii) ja Gihttela suohkana (www.kittila.fi, suomagillii) neahttasiidduin.

Stobut ja dolasteapmi meahcis

  • Biebmoráhkadeapmi lihkostuvvá buoremusat ávdinstobuin, main lea juogo oamman dehe biisá.
  • Davvi-Sámis, stáda eatnamiin, Meahciráđđehus suovva dahkat dola rissiin ja ovssiin sierra lobi haga.  Ávžžuhit geavahit boares dolastallansajiid jus dakkáriid gávdná.
  • Meahccebuollinváruhusa áigge ii leat lohpi dolastit.

Juhkančáhci

  • Čázi sáhttá dábálaččat juhkat, muhto geassebáhkkan ávžžuhit vuoššat čázi.

Bázahusfuolahus

  • Buljju meahcceguovllu stobuin lea ng. iešdoaibmi bázahusfuolahus. Gorsastobu olgohivssegii sáhttá bidjat eanaluvvi biobázahusaid.
  • Ribahis vánddardeapmi

Hivssegat

  • Ávdin- ja várrenstobuin leat olgohivssegat.

Idjadeapmi

Dealttástallan ja lávut

Ávdinstobut

Ávdinstobuin sáhttá idjadit ija dehe guokte.

  • Gorsastohpu lea Eanodaga, Anára ja Gihttela rádjeovttastuvvama lahka, Gorsajávrri lulleoasis jogaža guoras, mii fas lea sullii 1 km oarjjáslulás Gorsajávrris.
  • Ávesuori goahti lea Galbmagáldus nuorttáslulás, Eanodaga ja Anára gielddaid ráji nalde, boazoáiddis sullii 300 m oarjjás, Ávesuorrejoga nuortabealde 100 m gáttis eret.

Idjadeapmi lahkosiin

  • Turismafitnodagat láigohit barttaid earret eará Njunnásis, Ketomellas, Badje-Girus, Raattamas ja Buljus. 
  • Delten- ja orrunvovdnabáikkit leat Eanodaga girkogilis Heahtás, Njunnásis ja Badje-Girus.
  • Eanodaga girkogilis Heahtás ja Badje-Girus leat hoteallat.
  • Lassidieđuid oažžu Eanodaga suohkana (www.enontekio.fi, suomagillii) ja Gihttela suohkana (www.kittila.fi, suomagillii)  sihke Lappi turismaportálas (www.lappi.fi, suomagillii) neahttasiidduin.

Biergasiid láigoheapmi

  • Eanodaga ja Gihttela guovllu turismafitnodagat láigohit earret eará fatnasiid ja gohttenbiergasiid, lassidieđuid oažžu Eanodaga suohkana (www.enontekio.fi, suomagillii) ja Levi turismafitnodaga (www.levi.fi, suomagillii) neahttasiidduin.

Lihkadanlápmásiid bálvalusat

Bulju meahcceguovllus eai leat fálaldagat lihkadanlápmásiidda.

  • Eanodaga girkogilis Heahtás lea Duottar-Sámi luondduguovddáš, gos sáhttá johtit juvlastuoluin. Šiljus lea dolastallanbáiki, gosa beassá maid juvlastuoluin. Luondduguovddážis lea inva-hivsset.

Eará bálvalusat lahkosiin

  • Lagamus báŋkkut ja dearvvášvuođaguovddáš leat Eanodaga girkogilis Heahtás.
  • Apoteahkat leat sihke Heahtás ja Sirkkas.
  • Gávppit leat earret eará Bealdovuomis, Raattamas, Sirkkas, Vuottesjávrris ja Heahtás.
  • Boaldámuša biilii sáhttá oastit Heahtás, Raattamas ja Sirkkas.
  • Guolástanlobiid Eanodaga guolástanguvlui  (www.eräluvat.fi, suomagillii) vuvdet Duottar-Sámi luondduguovddáža ja Eräluvat.fi firpmegávppis.
  • Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).