Ovdahistorjjálaš bivdorokkit ja orrunsajit

Buljju meahcceguovllus leat moadde ovdahistorjjálaš dološbázahusa. Meahcceguovllus Eanodaga bealde leat gávdnan dološ bivdorokkiid ja goahtesaji. Gihttela gieldda bealde leat gávdnan dološ goddebivdorokkiid ja geađgebordinsaji, man leat navdán leat goađi ommangeađgi. Eanodagas, hui lahka Buljju meahcceguovllu, leat klassifiseren moanaid dološbázáhusaid, main stuorimus oassin leat dološ bivdorokkit.

Boazodoalu historjá lea guovllus guhkki. Govva: Martti Rikkonen