Čeavetjávri-Buolbmátjávri -johtolaga gáibideaddjevuohta

Čeavetjávri-Buolbmátjávri -vánddardanjohtolat lea merkejuvvon ja dihkkáduvvon viehka bures. Johtolaga alde leat moanat ávdinstobut ja okta dolastallanbáiki. Johtolat gáibida ollu vánddardeaddjis, dasgo dat manná áidalas meahcceguovllu čađa. Danin vánddardeaddji galgá birgehallat ja dádjadit meahcis. Maiddái davvimáilmmi árvitmeahttun dálkedilálašvuođaid galgá váldit vuhtii.

Vánddardeami plánemis lea hui anolaš Čeavetjávri-Njuorggán -olgolihkadankárta.

Govva: Tuija Kangasniemi

Eatnamat

Johtolat lea viehka duolbbas ja dan mielde leaeanaš álki johtit. Čázádagaid, mat deivet leat johtolaga alde, šaddá gaskkohagaid gállit rastá dahje rasttildit johkarokki fanasfearggain. Njávdán- ja Buolbmátjogas leat heaŋgášalddit.

Vánddardeami bistin

Vánddardeami bistimii váikkuhit earret earrávánddardeaddji rumašlaš vuoimmit ja dálkedilálašvuođat. Vánddardeaddji ovdánameahcis gaskamearálaččat sullii 3 km diimmus. Johtolaga johtináigin leaárvaluvvon 4 - 7 jándora.

Dálvegeavaheapmi

Čuoiganjohtolat lea linnjáduvvon johtit viehkaduolba eatnamiid mielde ja johtolat lea merkejuvvon meahccái alit vinjuruossačuolddaiguin. Dálvevánddardeapmi gáibida goittot álo olbmos ollu, dasgo dálkkit ja muohtadilálašvuođat sáhttet molsašuddat. Vánddardanjohtolaga vuollegis johtolatmerkemat jávvojit muohttaga vuollai, ja nuba geassejohtolatii heive dálvegeavaheapmái.