Čeavetjávrri-Njávdáma guovllu rávvagat ja njuolggadusat

Rávvagat Čeavetjávrri-Njávdáma guovllus johtaleapmai

  • Vánddardeaddji johtá guovllus juohkeolbmo-vuoigatvuođain (www.ymparisto.fi, suomagillii).
  • Doaluid lágideapmái guovllus galgá leat álo Meahciráđđehusa lohpi.
  • Stuorra olmmošjoavkkut galggašedje leat ovddalgihtii oktavuođas Meahciráđđehussii.
  • Stáhtaeatnamiin Davvi-Sámis Meahciráđđehus diktá bidjat dola rissiin ja ovssiin almmá sierra lobi haga. Eanamuoraid dahjege eatnamii gahččan árvvuhis muoraid váldimii ja geavaheapmái galgá leat eanamuorralohpi, mii fidne Davvi-Sámi luondduguovddáš Siiddas dahje Meahciráđđehusa Avvila bálvalanbáikkis. Olbmuid sávvet geavahit álo vejolašvuođaid mielde fuolahuvvon dolastallanbáikkiid. Meahccebuollinváruhusa áigge dolastallan lea gildojuvvon maiddái huksejuvvon dolastallanbáikkiin.
Njávdáma. Govva: Jorma Hevonkoski, Vastavalo.fi

Ovddalgihtii ráhkkaneapmi

Mátketelefovnnaid gullon

  • Vaikko Suoma mátketelefonfierpmit gokčet viidát riikka, de sáhttet Čeavetjávrri-Njávdáma guovllus leat dakkár sajit, main telefovdna ii gullo. Dárkkis mátketelefonfierpmi gullonguovlluid iežat mátketelefonoperáhtoris. Dasa lassin álo gávdnojit báikkit, main mátketelefovdna ii gullo dahje gullo funet. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánnáha maiddái váldit vuhtii ahte sierralágan mátketelefovnnaid gaskkas leat gullonearut.

Dorvvolašvuohta

  • Guovlu lea meahcis, ja go doppe johtá, de galget leat meahccedáiddut. Veahki lea áddjái fidnet iige dat leat álo álki. Heahtenummir lea 112.
  • Lea buorre almmuhit iežas vánddardeami johtolatplánas ja áigetávvalis ustibiidda ja lagamus oapmahaččaide. Maiddái Davvi-Sámi luondduguovddáš Siidii, tel. 0206 39 7740, sáhttá guođđit almmuhusa, muhto dalle galgá áinnas muitit almmuhit iežas máhccamis.
  • Váldde mielde vuosttašveahkki dárbašiid.

Makkár formalitehtaiguin Norgga ráji sáhttá rasttildit?

Schengen-soahpamuša vuolláičállán riikkaid riikkavuložat sáhttet rasttildit Suoma ja Norgga gaskasaš ráji gokko ihkinassii, beare eai leat tuolluvuloš gálvvut fárus. Vánddardeaddji galgá bastit duođaštit iežas identitehta ja riikkavulošvuođa. Beatnagiin vánddardeaddji (suomagillii) galgá váldit ovddalgihtii oktavuođa šibitdoaktárii, dasgo Norgga bealde gáibidit earret eará beatnaga dovddaldatmerkema ja dearvvasvuođa- ja boahkohanduođaštusaid erret eará rabies dávdda vuosteávnnasmearis varas. Loga lasi ealliid doalvumis ja buktimis (www.evira.fi, suomagillii)

Biergasat

  • Guovllus leat máŋggalágan eatnamat, muhto bálgáid mielde lea álki johtit. Čáziid šaddá rasttildit máŋgga sajis: muhtun sajiin leat rasttildanrusttegat, muhtun sajiin fas šaddá gállit.
  • Guovllus sáhttá háhkat lasi niestti: Čeavetjávrris lea borramušgálvokioska ja Njávdámis leat borramušgávppit.
  • Guovllu čázit jugahit dábálaččat.
  • Birrasa seasti vánddardeapmi

Sesoŋŋaáiggit

  • Ruški álgá čakčamánu álggogeahčen ja bistá guokte, golbma vahku.