Finnmárkkubálggis

Finnmárkkubálggis sajádat Suomas.Nuorta-Lappi
Anár (www.inari.fi), Soađegilli (www.sodankyla.fi)
Soabbada luonddumeahcci, UK-álbmotmeahcci
Guovllu dikšu Meahciráđđehus

Finnmárkkubálggis lea oassi dološ Finnmárkkujohtolagas, mii lea dolin mannan Mearrabađas Suoločielggi duottarguovllu badjel gitta Jiekŋamerrii dahjege Finnmárkku rittu rádjai. Finnmárkkujohtolat lea várra Lappi boarráseamos johtolat, ja dat máinnašuvvo áššegirjjiin juo 1500-logus. Finnmárkkujohtolaga mielde heite johtimis 1900-logu álggus. 2000-logu álggogeahčen oassi johtolagas lea ovddeštuvvon vánddardanbálggisin ja merkejuvvon ođđasit meahccái Soabbatjávrris Laanilai.

Govva: Kimmo Kuure


Finnmárkkubálggis manná Náttašduoddara áibmadas čohkaid gaskka Soabbada luonddumeahci čađa. Soabbada luonddumeahcis oažžu johtalit dušše merkejuvvon bálgáid mielde, ja Finnmárkkubálgás ii oaččo spiehkastit. Bálggis joatkašuvvá UK-álbmotmeahci bealde vuovdeduovdagis. Dat loahppaoassi, maŋimuš 7 km bálgás manná álbmotmeahci olggobealde, ja dan mielde johtti beassá Laanilai. Merkejuvvon Finnmárkkubálgá guhkkodat lea oktiibuot 35 km. Bálggis lea meahccái merkejuvvon geassejohtolat. Finnmárkkubálgá guoras leat dolastallanbáikkit ja lávvu, láktasajiid rastá leat rovit ja jogaid rastá šalddit.

Dán siiddu čujuhus lea www.lundui.fi/finnmarkkubalggis

Guovllu dikšu Meahciráđđehus, Lappi Luonddubálvalusat, čujuhus: PB 8016, 96101 Roavvenjárga