Johtinoktavuođat

Finnmárkkubálggis lahkonankárta © Meahciráđđehus 2010

Biillain

  • Vuohču gilis, váldogeainnus nr 4 (E75) nuorttas manni Soabbatjávrri geainnu mielde beassá Finnmárkkubálgá vuolginsadjái Soabbatjávrri gáddái. Váldogeainnu nr 4 luoddaearus lea oahpistangalba, mas lohká "Sompiojärventie". Soabbada luonddumeahci lulágeaži manni Soabbatjávrri meahccebiilageainnu mielde sáhttá geasiáigge vuodjit. Álgogeasis geainnu ortnega gánnáha álo gulaskuddat Tankavári luondduguovddážis Tankavaaras dahje Suoločielggi bálvalanbáiki Kiehinenis. Geaidnu ii bajásdollo dálvviáigge.
  • Vánddardeami sáhttá álggahit maiddái johtolaga davágeahčen Laanilas. Laanila lea Suoločielggi turismaguovllus. Dat lea sullii 40 km Vuohčus davás ja sullii 30 km Avvilis lulás. Laanilai beassá sihke Vuohčus ja Avvilis váldogeainnu nr 4 (E75) mielde. Laanilas beassá Finnmárkkubálgái Suoločielggi guovllu geassejohtolagaid vuolginsajis.
  • Maiddái Kiilopää geainnus beassá Finnmárkkubálgái. Kiilopää geainnu ala jorggihuvvo Kakslauttanenis. Kakslauttanen lea sullii 30 km Vuohčus davás ja sullii 40 km Avvilis lulás. Kakslauttanenis galgá vuodjit Kiilopää guvlui sullii 4 km, goas beassá Finnmárkkubálgái. Kiilopää geainnu guoras leat sihke oahpistangalbbat Finnmárkkubálgái ja parkerensadji.
  • Kakslauttanenis ja Kiilopääs lea maiddái johtolatoktavuohta Finnmárkkubálgái Suoločielggi guovllu merkejuvvon bálgáid mielde.

Almmolaš fievrruiguin

  • Roavvenjárggas johtet Avvilii váldogeainnu nr 4 (E 75) mielde moanat beaivválaš linnjabiilaruvttot (www.matkahuolto.fi, suomagillii): Roavvenjárga - Soađegilli - Vuohčču - Tankavaara - Kakslauttanen - Suoločielgi - Avvil. Linnjabiillas sáhttá báhcit eret Vuohču gilis, Tankavaaras, Kiilopääs dahje Laanilas, main beassá Finnmárkkubálgái.
  • Linnjabiillat leat joatkkaoktavuođat Roavvenjárgii boahtti togain (www.vr.fi, suomagillii) ja girdiin (www.finavia.fi, suomagillii).
  • Avvilii boahtti girdiin lea linnjabiilaoktavuohta Suoločielgái ja Kiilopääi, gos lea vel Vuhččui sullii 40 km.

Kárttat

Elektrovnnalaš kárttat

Finnmárkkubálggis čuozáhatkárta © Meahcciráđđehus 2015

Eará kárttat

  • Urho Kekkonen olgolihkadankárta 1:100 000, Karttakeskus 2016. Kártta sáhttá oastit ee. Tankavári luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Suoločielgi - Sokosti olgolihkadankárta 1:50 000, Karttakeskus 2016. Kártta sáhttá oastit ee. Tankavári luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Náttašduottar eanadatkárta 1:50 000, nummir V512. Kártta sáhttá oastit ee. Tankavári luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea válljenmunni.
  • GT-tuvrakárta, 1:400 000. Kárttaid sáhttá oastit Karttakeskusis ja girjegávppiin, main lea buorre válljenmunni.

Kárttaid vuovdinbáikkit