Gálddoaivvi meahcceguovlu

Vánddardit Sihkkelastin Meallun ja suhkan Fatnasin johtin Oaidnámušat ja várdádanbáikkit Čuoigan Guolasteapmi Meahcástus Murjen ja guobbariid čoaggin 

Gálddoaivvi meahcceguovllu sajádat SuomasDavvi-Lappi
Ohcejohka (www.saamivillage.fi) ja Anár (www.inari.fi)
Viidodat 2924 km2 , vuođđuduvvon 1991
Guovllu dikšu Meahciráđđehus.

Gálddoaivi lea Suoma viidáseamos meahcceguovlu. Geainnuhis duottarmeahcceguovllus gávdnojit hui máŋggalágan duovdagat ja eatnamat: leat ceakko čiekŋalis johkaskurččut ja njoaiddos duoddarat. Sámmotjeakki-Vádjogajeakki jekkiidsuodjalanguovlu laktása meahcceguvlui máddinoarjin. Oktilaš meahcceguovlu ii báze dušše Suoma rájiid sisa, muhto geainnuhis meahcceguovlu joatkašuvvá gitta Norgga beallai. Gálddoaivvi meahcceguovlu heive máŋggalágan johtimii-beaivemátkkis máŋga jándora bisti vánddardemiide. Guovlu lea hárjánan vánddardeaddjái hástaleaddji vánddardanguovlu, álggahalli vánddardeaddji gánnáha oahpásmuvvat guvlui hárjánan vánddardeaddji fárus.

Dán siiddu čujuhus lea www.lundui.fi/galddoaivi

Guovllu dikšu Meahciráđđehus, Sámi Luonddubálvalusat (Lapin Luontopalvelut), čujuhus: Inarintie, 99870 Anár.