Rávvagat Geavu luonddumeahcis johtaleapmai

Luonddumeahcit leat vuođđuduvvon erenomážit luonddusuodjaleami várás. Geavu luonddumeahci guovlu lea maid boazodikšunguovlu ja gullá Baišduoddara balgosii.

Boaimmáža čivggat. Govva: Matti Mela.

Geavu luonddumeahcis lea

lobálaš

  • lihkadit geasset dušše merkejuvvon johtolagaid mielde, duottarguovllus 1.5. - 15.10. ja ávžeguovllus 15.6. - 15.10. 
  • čuoigan dálvet lupmosit duottarguovllus 16.10. - 30.4. ja ávžeguovllus 16.10. - 31.3.

ráddjejuvvon

  • sajusdola cahkkeheapmi ja gohtten, mat leaba lobálaččat dušše daid várás čujuhuvvon báikkiin.

gildojuvvon

  • lihkadeapmi ávžeguovllus 1.4. - 14.6. gaskkas
  • murjjiid ja guobbariid čoaggin
  • oaggun ja jiekŋaoaggun
  • sajusdola cahkkeheapmi meahccebuollinváruhusa áigge
  • biebmoelliid luovosdoallan
  • eanan- dehe báktevuođu vaháguhttin ja eananávdnasiid dehe ruvkeminerálaid váldin
  • šattuid dehe daid osiid váldin
  • luonddudilálaš riggeelliid bivdin, goddin dehe muosehuhttin dehe daid besiid heavaheapmi
  • čielgedávttehus elliid bivdin dehe čoaggin
  • mohtorfievrruiguin ja sihkkeliin vuodjin
  • ribahuhttin dehe ráhkadusaid vaháguhttin.

Čuovo njuolggadusaid (suomagillii) go lihkadat guovllus. Báikkálaš ássiid spesiálanjuolggadusain meroštallojuvvojit sin vuoigatvuođat earret eará boazodollui, guolástussii sihke meahccebivdui luonddumeahci guovllus.

Ovddalgihtii ráhkkaneapmi

Giehtatelefovnnaid gullon

  • Vaikke Suoma giehtatelefonfierpmit olahit oalle viidát, Geavu luonddumeahcis sáhttet leat jávkosat. Dárkkis giehtatelefonfierpmi olaheami iežat telefonoperahtoris. Dan lassin leat álo báikkit, main telefon ii doaimma daikke háladettiin leat hehttehusat. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánneha maid váldit vuhtii, ahte earálagan giehtatelefoniid gaskkas leat earut gullomis.

Dorvvolašvuohta

  • Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
  • Váldde mielde vuosttašveahkki dárbašiid.
     

Fuolalaš vánddardeaddji

Biergasat

  • Geavvu lea viehka lossa vánddardanbáiki nu, ahte biergasat galget leat ortnegis. Duottarguovllus jođedettiin olbmos galggašedje leat erenoamážit starges gápmagat ja bieggajeahkki bivut. Tealtá galgá leat fárus, go luonddumeahcis leat dušše guokte ávdinstobut.
  • Muitte, ahte Geavvu rasttilduvvo golbmii gállimiin. Gállimii gánneha ráhkkanit geahppa kummevuđot gápmagiiguin, mainguin coakcu bures.

Sesoŋŋaáiggit

  • Vánddardeami várás gánneha várret áiggi 3 - 4 beaivve. Bivnnuhis várddardanáiggit leat loahppageassi ja ruškeáigge, mii dábálaččat lea čakčamánu alggobealde. Turku universitehta Geavu dutkamušlágádusa vuođđudeaddji, professor Paavo Kallio, merošdalai dolin ruškki álgit Geavus čakčamánu 10. beaivve dii 14:00. Dán beaivemearis sáhttá áigemuddu spiehkkasit 5 jandora ovddos daikke maŋos.

Beatnagat

  • Beatnagiid galgá doallat gitta Geavu luonddumeahci guovllus jođedettiin iige daid oažžo váldit sisa ávdinstobuide.

Goappá geažis vánddardeami gánneha álggahit

63 km:a guhkkosaš vánddardeami sáhttá álggahit Ganešjávrris (Ohcejohka - Gámas-geaidnu, E75) dahje Suttesjogas (Gáregasnjárga - Gámas-geaidnu, nr 92). Go vuolgá Suttesjogas, de Geavu kanjona oidno duovdagiid dáfus ceakkusin ja áibmadassan.

Doala beatnaga gitta. Govva: Seppo Leinonen

Luonddusuodjalanguovlluin biebmoeallit eai oaččo leat veaiddalasas.