Geavu luonddumeahcis sáhttá vásihit rámššamus Sámi luonddu. Vánddardeaddji beassá oahpásmuvvat Gevvui guovtte merkejuvvon ja viehka lossa bálgá mielde. Luonddumeahci guovddáža ráhkada badjel 40 km guhkkosaš ja báikkuid measta 80 mehtera čiekŋalis kanjonalágan ávži, gos golgá Geavvu. Eará oassi luonddumeahcis lea dovdomassii njoidosut, duottareana man luddot korssat ja guržžut. Báikkuid leat viiddis rabas duottarjeakkit. Meahci vuođđudeami dárkkuhussan lea Geavorokki ja dan birrasa rašes duottarluonddu suodjaleapmi. Geavvu lea diehtaga dáfus dehalaš guovlu. Turku universitehta Lappi dutkanlágádus (www.kevo.utu.fi/kevo, suomagillii) bargá máŋggabealat dutkama doppe. Luonddumeahcis johtin lea lobálaš dušše merkejuvvon bálgáid mielde.
