Juhkančáhci

  • Johtolaga goappánai geaži luondduguovddá-žiin, Heahtás Duottar-Sámi luondduguovddážis ja Bállásis Bállásduoddara luondduguovddážis, oažžu juhkačázi.
  • Juohke stobus ja dolastallanbáikkis lea čáhcebáiki.
  • Čáhci lea dábálaččat dohkálaš juhkamii oba guovllus. Luonddučáziid atnu lea goitge juohkehačča iežas ovddasvástádus. Stobuid láhkosiin juhkačázi gánnáha viežžat čujuhuvvon čáhcebáikkis. Bivvaliid áigge čázi gánnáha vuoššat.
Montella ávdinstohpu. Govva: Seija Olkkonen

Bázahusfuolahus

Boaldenmuorrafuolahus

  • Juohke stobus sihke Suvasgura ja Rihmakuru dolastallanbáikkiin leat válmmasin luddejun boaldenmuorat.
  • Boaldenmuorrafuolahus fuolahuvvo dálvviid mohtorgielkkáiguin.

Fuolahusa ovddasvástádus

Hivssegat

  • Juohke stobus sihke Suvasgura ja Rihmakuru dolastallanbáikkiin leat olgohivssegat.

Sávdnji

  • Hánnogura ávdin- ja várrehusstobu lahkosiin lea sávdnji. Sávdnji máksu lea 7 e / rávesolmmoš, 4 e / mánná (vuollel 7j) dehe jovkui gullevaš (joavku lea > 10 olbmo). Máksit sáhttá ovddalgihtii Bállás-Ylläsduoddara álbmotmeahci luondduguovddážiidda dehe mobiilalohpin nu ahte čuojaha
    • nummárii 06060 56 1439 (7 e máksu) dehe
    • nummárii 06060 56 1440 (4 e máksu).
    • Okta telefuvdna vástida álohii ovtta 7 e dehe 4 e ruhtamávssu.

Idjadeapmi

Dealttástallan ja goađit

  • Johtolagas dealttástallan lea lobálaš stobuid ja dolastallanbáikkiid olis.
  • Dasa lassin dealttástallat sáhttá Suvasgura ja Rihmakuru gođiid lahkosiin.
  • Suvasgura goahti lea Hánnogura ja Montella stobuid gaskkas. Hánnoguras lea goahtái mátki 5 km ja Montellas 7 km.
  • Rihmakuru goahti lea Nammalgura ja Bállásduoddara luondduguovddáža gaskkas. Nammalguras lea goahtái mátki 3 km ja Bállásis 10 km.
Hánnogura várrehusstohpu. Govva: Jarmo Rauhala

Ávdin- ja várrehusstobut

  • Bassičearu beaivestohpu lea Heahttá-Bállás-johtolaga guoras 7 km Heahtás ja 48 km Bállásis. Beaivestobu bálddas Bassičearu bálvalanstohpu, mas doaibmá dábálaččat giđa sesoŋŋaáigge gáffestohpu.
  • Sioskuru ávdin- ja várrehusstohpu lea Siosjoga guoras, Heahttá - Bállás-johtolaga mielde 15 km Heahtás ja 40 km Bállásis.
  • Tappuri ávdinstohpu lea s. kilomettara Heahttá - Bállás-johtolagas nuorttas, Ketomella johtolaga ja Marastatjoga guoras. Heahtás stohpui lea mátki 20 km ja Bállásis 36 km.
  • Pahakuru ávdinstohpu lea Heahttá - Bállás-johtolaga guoras 26 km Heahtás ja 29 km Bállásis.
  • Hánnogura ávdin- ja várrehusstohpu lea Heahttá - Bállás -johtolaga guoras 28 km Heahtás ja 27 km Bállásis. Stobu lahkosiin lea sávdnji, mii lea lupmosit buot vánddardeddjiid anus.
  • Montella ávdinstohpu lea Heahttá - Bállás-johtolaga guoras 40 km Heahtás ja 15 km Bállásis. Stobus suorrána bálggis Vuontispirttii.
  • Nammalgura ávdin- ja várrehusstohpu lea Heahttá - Bállás-johtolaga guoras Eanodaga ja Muonio suohkaniid ráje nalde. Heahtás stohpui lea mátki 42 km ja Bállásis 13 km. Turismma sesoŋŋaáiggiid Nammalgura bálvalangoađis doaibmá gáffestohpu.

Eará bálvalusat

  • Biilasirdinbálvalusat Heahtá ja Bállása gaskkas sihke fanasfievrrideamit Ovnnesjávrri rastá.
  • Bovdejuvvondákset Gihttela ja Eanodaga girdišiljuin stuorit guovddážiidda.
  • Lagasguovllu giliin gávdnojit olu láigobarttat, gohttenbáikkit, hoteallat, eanandoalloturismabálvalusat, restauráŋŋat, gáffestobut, gávppit, spesiálagávppit ja eará bálvalusat. Lassidieđuid oažžu Eanodaga (www.enontekio.fi, suomagillii), Gihttela (www.kittila.fi, suomagillii) ja Muoná (www.muonio.fi, suomagillii) suohkaniid fierbmesiidduin.
  • Turismafitnodagaid lágidan bálvalusat Bállás-Ylläsduoddara álbmotmeahcis.
Ovnnesjávrri rasttildeamen. Govva: Seija Olkkonen