Fatnasin johtin Vánddardeapmi Oaidnámušaid ja duovdagiid geahčadeapmi Luonddubálggis Čuoigát Guolásteapmi Meallun ja suhkan Luondduguovddáš

Suoma stuorámus álbmotmeahcci Leammi fállá ollu vásihanláhkái sihke daidda geat leat beaivemohki dahkkiide, nu maid beaiveviissaid meahcis loakti vánddardeddjiide. Geasuheaddji golleguovlu, sámekulturčuozáhagat ja máilmme fiinna luondu dáhkidit, ahte buohkaide gávdno juoga hommát mii cieggá millii.

Fatnasin johtin

Leammi beaivválaš johkafanassáhtošeapmi doalvu du geahppadit álbmotmeahci váibmui. Johkafanas sáhtus duovdagat molsašuvvet beahcevuovddis johkaleagi ruonas rođuide ja guhkkelis alihasti duoddariidda. Sáhtát báhcit fanasmátkkis vaikke Ravadasgoržái, mii lea Leammi okta fiidnámus oaidninveara áššiin dahje johtit olles mátkki gitta golleeatnamiidda. Sihke Ravadasgoržžis ja geinnodaga geažis Gollehámmanis beassá vuohkkasit Leammi geassetuvrageinnodagaide.

Govva: Meáhcirađđehus

Vánddardeapmi

Leammi johkaleahki ja golleguovlu dan lahka leat álbmotmeahci bivnnuheamos tuvrabáikkit. Merkejuvvon geinnodagat (60 km) , ávdin- ja várrenstobut sihke moanat dolastallanbáikkit bálvalit tuvralačča. Merkejuvvon geinnodagain sáhtát oahpásnuvvat Leammi golleroggama historjái ja otnábeaivái ja čáppášit Leammi máŋggabealat luonddu.

Govva: Meáhcirađđehus


Stuorra oassi Leammi álbmotmeahcis lea albma meahcceguovlu, gos vánddardeaddji sáhttá vádjolit beaiveviissaid ráfis. Dološ beahcevuvddiid girjáin dahket viiddis jeakkit ja duovdagiid luoddu máŋggat johkaleagit, duoppil dáppil loktaneaddji duoddarat ja rámšo várit. Lihkkoš vánddardeaddji sáhttá vuohttit áitatvuloš Leammis muhtun hárvenaš geatkki luottaid. Johtin álbmotmeahci meahcceguovllu osiin gáibida buriid meahccedáidduid, daningo tuvrareaiddut eai leat ja ávdinstobut dušše hárve.

Oaidnámušaid ja duovdagiid geahčadeapmi

Leammi vuoiŋŋahaga bisseheaddji fiinna duovdagat leahkkasit álbmotmeahci lohkameahttun duoddariin. Vuolit dološ vuvddiin jahkečuđiid boares galbabárkosaš beahceboaraniid gaska jođidettiin sáhttá dovdat iežas unnivuođa ja ráfot muoraid šuvvamii. Dieppil dáppil rahpaseaddji jeakkit bossulit oaivejoraheaddji guohcarási hája ja uhcameahkástaga dahje ruonájuolgečoavžžu vizardeami.


Govva: Kia Olin

Leammi vuoittekeahtes duovdagiid lassin doppe geasuhit sámekultuvra ja golleroggan. Boares sámi ássan- ja bivdobáikkit miehtá álbmotmeahci čuvgehit dološ sámi eallimis. Golleguovllus Leammileagi lahkosiin sáhttá oahpásnuvvat golleroggama gelddolaš historjái, muhto oaidnit maid otnábeaivvi golleroggiid. Legendáralaš golleálbmáid stobut ja rogganbáikkit muitalit iežat muitalusa vánddardeddjiide, ja ofelaston tuvrrain olbmot sáhttet iežage geahččalit golleroggama.

Eará aktivitehtat

  • Guolásteapmi: Álbmotmeahci čađa johttá Leammi lustaguolástanguovlu (nro 1562), gos sáhttá goddit vaikkeba čuovžža, dápmoga dahje hárri. Lobi guvlui sáhttá oastit Eräluvat.fi siiddus, guovllu fitnodatdolliin dahje Meahciráđđehusa bálvalančuoggás. Eará sajis álbmotmeahcis sáhttá oaggut vuokkain jávrris guollenáliiddikšunmávssuin (www.eraluvat.fi, suomagillii) sihke oaggut ja bilket dálvet juohkeolbmovuoigatvuođain jávrečázadagain. Guolásteaddji: dárkkis guolástusráddjehus "kalastusrajoitus.fi!" (https://kalastusrajoitus.fi/#kalastusrajoitus, suomagillii). 
  • Luondduguovddáš: Sámemusea ja Davvi-Sámi luondduguovddáš Siidda čájáhusat oahpásnuhttet davi lundui ja sámekultuvrii. Doppe gávdno tuvra- ja turismarávven, vuovdemassi diŋggat luonddufáttáin, kárttát ja lobit.
  • Luonddubálggis: Leammi luonddubálggis (4,5 km) čuovvu álgomátkki johkaleagi ja mohkohallá ruovttoluotta Njurguluktii čáppa beahceeatnamiid čađa. Bálgá guorain sáhtát oaidnit ee. godderokkiid ja bisánit dolastallat Gotkkaláddo dolastallanbáikái.
  • Meallun ja suhkan: Ráfálaš Leammijohka heive earenoamážit álggaheaddji mealluige. Njurguluovttas Gollehámmanii lea mátki sullii 20 km. Njurguluovttas sáhttá vuolgit meallut maid Báđarjávrri guvlui ja joatkit mátkki álo gitta Suolojávrái. Leammi fitnodatdoallit láigohit kanohtaid.

Guollenáliiddikšun-

máksu 2018


Guolásteaddji (18-64 jáhkásaš) - máksá guollenáliiddikšunmáksu 
(www.eraluvat.fi, suomagillii)