Johtinoktavuođat

Muotkkeduoddara meahcceguovllu lahkonankárta © Meahciráđđehus 2005

Biillain

  • Anár - Áŋŋel -geaidnu (nr 9553) manná Muotkkeduoddara meahci máttabeallái.
  • Meahci davá- ja nuorttabeallái beassá Gámas - Gáregasnjárga -geainnu (nr 92).
  • Máttanuortin meahccái beassá riikkageaidnu 4:žis Anára ja Gápmasa gaskasaš geainnus.
  • Fiesttarbealde johtá Áŋŋel - Gáregasnjárga -geaidnu (nr 9553). Geainnut eai mana áibbas meahci ravdda, muhto geainnuin lea mátki 1 - 14 km meahccái.

Almmolaš fievrruiguin

  • Guovllu máttaoassái beassá Anáris Áŋŋelii manni táksi/uhcabussevuoruin oktii vahkus (Anár - Vuopmejohka -vuorru). Áigetávvalat (www.matkahuolto.fi, suomagillii). Áŋŋelgeainnus (nr 9553) lea 1 - 3 km mátki áidalas meahccái. Áŋŋela gilis lea sullii 14 km meahccái.
  • Meahci nuortta- ja davábeallái, Gáregasnjárggageidnui, lea linjabiilaoktavuohta Anáris (fástavuorut Avvil - Gáregasnjárga, Oulu - Kárášjohka). Ohcejogas (johtilisvuorut Čáhcesuolu/Deatnu - Roavvenjárga, fástavuorru Njuorggán - Avvil) boađedettiin lea lonuheapmi Gápmasis Anáris boahtti linjabiilai. Áigetávvalat (www.matkahuolto.fi, suomagillii). Gáregasnjárggageainnus (nr 92) lea 4 - 7 km mátki áidalas meahccái ja Gáregasnjárgga gilis lea sullii 4 km meahccái.

Meahccereaissu vuolginsajit

  • Vánddardeami lea vuogas álggahit ovdamearkan Gáregasnjárggageainnus (nr 92) meahci davábealde, gos johtti beassá jalga duoddariid lahka. Gáregasnjárgga gilli, Duottargilli Muotkan Ruoktu ja Vánddardanguovddáš Kiellatupa leat máŋgga mátkkálačča vuolginbáikkit.
  • Guovllus eai leat oahpistantávvalat eaige mátkkálaččaide leat parkerenbáikkit.

Kárttat

Elektrovnnalaš kárttat

Muotkeduoddara meahcceguovlu čuozáhatkárta © Meahciráđđehus 2014

Eará kárttat

  • Muotkeduoddara olgolihkadankárta, 1:50 000, Karttakeskus 2009. Kártta sáhttá oastit earret eará Davvi-Sámi luondduguovddážis Siiddas ja Avvila bálvalanbáikkis.
  • Eanadatkárttat nrt W433, W434 ja W443, 1:50 000, Eanamihtidanlágádus 2008 - 2009. Kárttaid sáhttá oastit ovdamearkka dihte Davvi-Sámi luondduguovddážis Siiddas, Meahciráđđehusa Avvila bálvalanbáikkis ja Eanamihtidanlágádusas.
  • GT tuvrakárta, 1:400 000. Kártta sáhttá oastit ovdamearkan Karttakeskusis ja buorre girjegávppiin.

Kárttaid vuovdinbáikkit