Juhkančáhci

  • Njuohttejoga čáhci jugaha dábálaččat, ja maiddái smávit golgi ádjagiid ja oalgejogaid čázi sáhttá dábálaččat juhkat. Juohkehaččas lea goittotge alddestis ovddasvástádus luonddučáziid geavahettiin. Báhkaid áigge čázi galggašii goittot álo vuos vuoššastit ovdalgo geavaha.

Bázahusfuolahus

  • Guovllu stobuin leat seahkalasbázahuslihtit ja komposttat, muhto Saiho ávdinstobus lea dušše komposta. Dolastallanbáikkiin eai leat bázahuslihtit.
  • Orgánalaš bázáhusaid sáhttá bidjat kompostii dahje goikehivssegii ja buhtes báhpára sáhttá boaldit. Vánddardeaddjiid ávžžuhit buktit eará bázahusaid eret meahcis. Gieldda bajásdoallan ekobáiki lea Tulppios.
  • Loga lasi ribahis vánddardeamis.

Dolastallansajit

  • Njuohttejoga vánddardanjohtolaga ja Njuohttejoga gáttis leat dievva dolastallansajit sihke lávuid, gođiid ja stobuid oktavuođas, muhto maid dušše dolastallansajit.
  • Dolastallansajit leat merkejuvvon kárttaide

Boaldinmuorrafuolahus

  • Stobuid ja dolastallanbáikkiid boaldinmuora fidnemis fuolahuvvo. Boaldinmuorra fievrriduvvo báikki ala eanaš dálvvi áigge mohtorgielkkáiguin. Geasi áigge vuorkkát dievasmahttojit dárbbu mielde. Boaldinmuorat leat guhkes hálggut, maid šaddá ieš luoddut. Murrema várás dolastallanbáikkiin leat sahá, saháreŋko ja ákšu. Geavat boaldinmuora sesttovaččat.

Fuolahusas vástida

Hivssegat

  • Stobuin ja muhtun dolastallanbáikkiin leat goikehivssegat.

Idjadeapmi

Tealttástallan ja lávut

Johtolahkii gánnáha váldit tealttá fárrui. Johtolat gullá UK-álbmotmeahci Njuohttejoga meahcceguovlooassái, gos gohttensaji oažžu válljet gokko ieš háliida earret jalges duoddara ja boares rusttegiid birrasiid, gos gohtten lea gildojuvvon. Gohttema sáhttá gáržžidit earáge rašis guovlluin. Vánddardeaddjiid ávžžuhit gohttet dolastallanbáikkiid ja stobuid lahkosiidda. Njuohttejoga vánddardanjohtolaga guoras dahje lahkosiin leat 4 goađi ja 6 lávu. Dasa lassin Njuohttejoga guoras leat moanat dolastallanbáikkit.

Njuohttejoga gáttis. Govva: Sulo Nordberg

Lávut ja goađit Njuohttejoga lulábealde lullin davásguvlui

  • Silpakurunsuu goahti lea Njuohttejoga gáttis sullii 1,4 km:a duohken johtolagas.
  • Jänkäkoski lávvu leat Njuohttejoga gáttis sullii 2 km:a duohken johtolagas.
  • Voittinköngäsa goahti lea dasttán Njuohttejoga gáttis sullii 300 mehtera duohken johtolagas.
  • Saukkosuvanto goahti lea Njuohttejoga gáttis sullii 500 mehtera duohken johtolagas.
  • Saukkosuvannonvaara lávvu lea Njuohttejoga vánddardanjohtolagas sullii 100 mehtera nuorttaslulás.

Lávut ja goađit Njuohttejoga davábealde lullin davásguvlui

  • Haukijärvenoja lávvu lea Njuohttejoga gáttis Haukiniva parkerensaji lahkosiin, gos lea jogarasttildanbáikái ja gállinváijera lusa sullii 300 mehtera.
  • Liemussuvanto lávvu lea vánddardanjohtolaga guoras Njuohttejoga oarjjabealde.
  • Kurtinniska lávvu lea Njuohttejoga vánddardanjohtolaga guoras Liemussuvanto lávus sullii 3 km davásguvlui.
  • Ylempi Hirvashauta lávvu lea Njuohttejoga gáttis Hirvashaudanoja njálmmi buohta.
  • Alimmainen Hirvashauta goađi lusa lea Njuohttejoga vánddardanjohtolagas sullii 500 mehtera.
  • Kolsankoskenoja lávvu lea Njuohttejoga vánddardanjohtolaga guoras Kolsankoskenoja gáttis.

Ávdin- ja várrehusstobut

Njuohttejoga vánddardanjohtolaga guoras sáhttá idjadit ávdin- ja várrenstobuin. Johtolaga guoras leat čuovvovaš stobut:

Njuohttejoga lulábealde lullin davásguvlui

Hirvashauta stobus. Govva: Sulo Nordberg

Njuohttejoga dávábealde lullin davásguvlui