Nuortalaččaid árbevierrodállu

Nuortalaččaid árbevierrodálu sajádat SuomasDavvi-Lappi
Anár (www.inari.fi)
Čeavetjávrri-Njávdáma guovlu
Nuortalaččaid árbevierrodálu dikšu Sámemuseavuođđudus.

 

Nuortalaččaid árbevierrodálus Čeavetjávrri gilis ovdanbuktet nuortalaččaid árbevieruid ja kultuvrra. Čeavetjávri lea Suoma nuortalašguovllu guovddáš olmmošlogu ja kultuvrra seailuma dáfus.

Ivvan ja Martta. Govva: K., Nickul, 1934, MuseovirastoNuortalaččaid árbevierrodállu doaibmá boares nuortalašvisttis. Stáhta huksehii Anára gieldda nuorttageahčai máŋggaid sullasaš visttiid 1940-logu loahpas, go Beahcámis dálvesoađi áigge eváhkkoi vuolgán nuortalaččaide lágidedje ássanbáikkiid Suoma bealde. Čeavetjávrái ásaiduvve vuosttažettiin Suonnjela nuortalaččat, ja sin várás guvlui vuođđudedje oktiibuot 52 nuortalašdálu.

Árbevierrrodállu ovddasta soađi maŋŋá dáhpáhuvvan ásaiduhttima áigásaš tiipadálu, man plánemis váldojuvvui vuhtii maiddái nuortalaččaid huksenárbevierru. Árbevierrodállun doaibmi rukses visti lei álgoálggus Garitjávrris (Kaareehjävri). Ássanvistti lassin dállui gulai vuorkávisti. Dállu bázii goittot ávdimin, ja nuba guoros ássanvisti sirdojuvvui dálá sadjásis 1990-logu álggus.

Sámemuseavuođđudus lea ceggen Nuortalaš árbevierrodálu šilljobirrasii olgomusea. Olgomuseas lea oaidninláhkai Suonnjela áigásaš geassesaji rekonstrukšuvdna oktan stobuiguin ja njalaiguin.

Rabasáiggit

11.6. - 20.9. beaivválaččat diim 10 - 17

Árbevierrodállui sáhttá oahpásmuvvat nuvttá. Lea sávahahtti ahte joavkkut almmuhit iežaset ovddalgihtii.

Oktavuođadieđut

Mannančujuhus: Čeavetjárgeaidnu 9041, 99930 Čeavetjávri
Poastačujuhus: Sámemuseavuođđudus, Inarintie 46, 99870 Anár
Telefovdna: Árbevierrodállu 0400 373 015 / Siida 0400 898 212
Šleađgapoasta: kolttaperinnetalo(at)samimuseum.fi dahje siida(at)samimuseum.fi

Johtinoktavuođat

Nuortalaččaid árbevierrodálu lahkonankárta. © Meahciráđđehus 2009.

Biillain

  • Nuortalaččaid árbevierrodállu lea Gámas - Njávdán -geainnu (nr 971) guoras Čeavetjávrris girku bálddas.

Almmolaš johtinoktavuođat

  • Čeavetjávrái lea beaivválaččat linnjabiilaoktavuohta Gápmasa gilis. Áigetávvalat (www.matkahuolto.fi, suomagillii)

Elektrovnnalaš kárttat

Bálvalusat

  • Govva: Arja HartikainenDieđut nuortalašárbevieruin ja Gálddoaivvi ja Váhčira meahcceguovlluid ja lahkosiid luonddus ja vánddardanvejolašvuođain.
  • Vuovdimassii ee. nuortalaččaid árbevirolaš duojit ja kárttat.

Bissovaš čájáhus

  • Árbevierrodálus lea čájáhus, mas ovdanbuktojit nuortalaččaid historjá ja otnábeaivi biergasiiguin, čuovgagovaiguin ja dujiiguin. Olgomuseas sáhttá oahpásmuvvat nuortalaš geassesadjái.

Šilljobiras

Lápmásiid bálvalusat

  • Vistái ii beasa juvlastuoluin.