Johtinoktavuođat


Nuuksio álbmotmeahcci lea Kehä III:a davábealde riikkageainnuid 1 (Turunväylä) ja 120 (Vanha Porintie) gaskkas.

Nuuksio álbmotmeahci lahkonankárta. © Meahciráđđehus 2012

Biillain

  • Álbmotmeahci nuorta- ja davábeallái sáhttá vuodjit nu, ahte Nupuringeainnus (geaidnu 110, boares Turkugeaidnu) jorggiha davás Brobackangeidnui Nupuri buohta. Brobackangeaidnu rievdá Nuuksiogeaidnun ja dan galgá vuodjit Solvalla Urheiluopisto meaddel. Go vuodjá Haukkalampii galgá jorggihit moatti kilomehtera Solvalla maŋŋel gurut guvlui. Go lea jođus davveoassái Kattilai, de galgá vuodjit Nuuksiogeainnu (Kattilantie) loahpa rádjái.
  • Álbmotmeahci lulit oassái galgá vuoddjit Veikkola bokte dahje Brobackangeainnus Siikajärvi galbbaid mielde.
  • Álbmotmeahci oarjeoassái galgá vuoddjit Veikkola bokte.

Geahča parkerenbáikkiid dárkilut čujuhusaid vuolit čuoggás.

Almmolaš fievrruiguin

Nuuksioi beassá vuohkkasit almmolaš fievrruiguin.

  • Álbmotmeahci nuorta- ja davveoassái johttá Espoo guovddážis busse nummár 245(A) (reittiopas.fi, suomagillii). Geasseáigge bussiin sáhttá mannat gitta Nuuksio Kattilai, muhto dálvet maŋemus bissehat lea Nuuksiopääs. Espoo guovddážii beassá earret eará togain. Dain johtinfievrruiguin sáhttá measta álo geavahit guovlojohtolaga (seutu) bileahtat.
    • Haukkalampii gárta vázzinmátki lagamus bussebissehagas Haukkalammentie luoddaearus sullii 2 km.
  • Álbmotmeahci lulit oassái Siikarantai dahje Siikaniemii johttá busse nummár 238 (reittiopas.fi, suomagillii), mii vuolgá Espoo Leppävaaras. Leppävaarai beassá lagasjohtolaga togain. Dain fievrruin dohkkejit guovlojohtolaga (seutu) bileahtat.
  • Álbmotmeahci oarjjabeallái Tervalampii manna Pohjolan liikenne (www.pohjolanliikenne.fi, suomagillii) fástavuorru Helssegis: Tervalampis gártá sullii moatti kilomehtera vázzinmátki álbmotmeahccái.

Luonddutuvrra álgočuoggát

  • Parkerenbáikkit leat Haukkalampis (váldooahpistanbáiki, Haukkalammentie 32, Espoo) , Högbackas (davágeahči, Kattilantie, Espoo), Kattilas (davágeahči, Kattilantie, Vihti), Siikaniemis (lulleoassi, Kolmoislammenranta, Espoo), Hotealla Nuuksiona bálddas (lulleoassi, Naruportintie 70, Kirkkonummi), Veikkolas (lulleoassi Soidentaantie, Kirkkonummi) ja Kurjolampi lahka (oarjeoassi, Valklammentie, Vihti).
  • Johtolagaid vuolginčuoggát

Kárttat 

Elektrovnnalaš kárttát

Nuuksio kártaretkikartta

Eará kárttát

  • Eanadatkárttat (Maastokartta) L413, 1:50 000. Kárttá sáhttá oastit Kártáguovddážis ja Eananmihtidandoaimmahagain.
  • Nuuksio-Luukki ulkoilukartta (sá. Nuuksio-Luukki olgolihkadankártá), 1:20 000, Karttakeskus 2013. Kárttáid sáhttá maid oastit earret eará Suoma luondduguovddážis Haltia, Haukkalampi oahpistanstobus geasseáigge, Kártáguovddážiin ja máŋggabealat girjegávppiin.
  • Nuuksio retkeilyopas & ulkoilukartta (sá. Nuuksio tuvraofelas & olgolihkadankártá) 1:20 000. Karttakeskus ja Retkeilymedia Ahola 2014. Kárttáid sáhttá maid oastit earret eará Haukkalampi oahpistanstobus geasseáigge, Kártáguovddážiin ja máŋggabealat girjegávppiin.
  • Nuuksion järviylängön geologinen retkeilykartta (sá. Nuuksio jávrebadjeeatnama geologalaš tuvrakártá)  1:25 000, Geologian tutkimuskeskus 2013. Suoma luondduguovddážis Haltia, Geologiija dutkanguovddážis ja máŋggabealat girjegávppiin.
  • Vuođđokárttat nummárat L4132 ja L4132, 1:25 000. Kártta sáhttá oastit Kártáguovddážis ja Eananmihtidandoaimmahagain.
  • Meahccekárttat nummárat 2041 07, 2041 8, 2041 10, 2041 11, 1:20 000. Kárttaid sáhttá oastit Kártáguovddážis ja Eananmihtidandoaimmahagain.
  • Oaivegávpotguovllu telefonkataloga kártá
  • Uusimaa tiekartta (sá. Uusimaa geaidnokártá) 1:150 000, 2011. Kárttáid sáhttá oastit Kártáguovddážiin ja máŋggabealat girjegávppiin.
  • GT turvakártá Etelä-Suomi (sá. GT geaidnokártá Lulli-Suopma), 2012, 1:250 000. Kárttáid sáhttá oastit Kártáguovddážiin ja máŋggabealat girjegávppiin.

Kárttáid vuovdinbáikkit

Párkerenbáikkit

Haukkalampi

  • Haukkalammentie 32, Espoo

Eará parkerenbáikkit

Vánddardančuozáhaga prosyre

Pdf-vuorka 1,7 Mt (julkaisut.metsa.fi)