« Takaisin

Áigeguovdilis Davvi-Sámis

4/27/18

Skohterluottaid burgin jieŋaid alde lea álgán Davvi-Sámis

Luoddamearkkat Avviljogas joganjálmmi rádjai leat čoggojuvvon eret dán vahku áigge. Válbora maŋŋá váldet eret luoddamearkkaid Anárjávrri čielgeguovlluin. Maŋimuš beivviid arvvit leat leat dipmadan luottaid ja jieŋa alde lea báikkuid oalle olu čáhci. 
 
Speinnjárga. Govva: Aimo Leppäkangas
 
Váruhus ja fuobmasumi: Speinnjárggas lea rabas suddi.

Meahciráđđehusa stobuid várren boahtte jahkái álgá 2.5.

Gaskavahku 2.5.2018 rájes sáhttá dahkat várremiid Meahciráđđehusa Luonddubálvalusaid bajásdoallan várren- ja láigostobuide jahkái 2019. Várremiid sáhttá dahkat Eräluvat-neahttagávppis dahje bálvalannummiris. Smávva oassi stobuin lea várrenláhkái dušše guovllu luondduguovddážis.
 
Meahciráđđehusa Luonddubálvalusat bajásdoallá vánddardeaddjiid atnui sulaid 150 várren- ja láigostobu álbmotmehciin, eará luonddusuodjalanguovlluin ja meahcceeanaguovlluin.
Várrema smiehttan olbmo gánneha fitnat čujuhusas www.lundui/stobut oahpásmuvvamin stobuide ja dárkkisteamen várrema dahkamii dárbbašlaš dieđuid.
 
Várren- ja láigostobuid lassin vánddardeaddjiide leat fállon nuvttá beaive- ja ávdinstobut. Beaivestobut leat oaivvilduvvon vánddardeaddjiid beaiveatnui, ja dušše spiehkastatdáhpáhusain dain sáhttá idjadit. Ávdinstobut leat oaivvilduvvon vácci, čuoigga dahje eará láhkai iežas fámuiguin lihkadeaddjiid priváhtaolbmuid gaskaboddasaš vuoiŋŋastan- ja idjadanatnui.

Guolástanlobiid vuovdin Davvi-Sámi johkačuozáhagaide 3.5.2018

Davvi-Sámi jogaide sáhttá oastigoahtit guolástanlobiid muttuid mielde 3.5.2018 rájes. Vuos rahpasa lohpevuovdin Anára ja Eanodaga johkačuozáhagaide 3.5. ja dasto Ohcejoga lohpevuovdin 9.5.
 
Lohpevuovdin, mii álgá dál, guoská luosa ja dápmoha goargŋunčáziid. Johkačuozáhagaide leat meroštallan sálašdihtomeriid, man dihtii juohke guolásteaddjái eai vealttakeahttá reahkká lobit justa daid beivviide, maidda háliida. Guolásteaddjit gávdnet dárkilut dieđuid guolástanáigodaga álgimis, guolástanlobiin ja kárttain Meahciráđđehusa Eräluvat-siidduin.
 
Lohpevuovdin dáhpáhuvvá Meahciráđđehusa Eräluvat-neahttagávppis ja bálvalannummiris 020 69 2424 ja guovllu luondduguovddážiin. Neahttagávppis lobiid galgá máksit seammás, nappo daid ii sáhte várret. Telefonvuovdima bokte diŋgojuvvon lobiin lea dábálaš máksináigi, seammá luondduguovddážis ášši divššodettiin.