« Takaisin

Álbmotmeahcis čuodjá lávlla lundui

8/18/17

Juohke álbmotmeahcis čuodjá lávlla 100-jahkásaš Suoma lundui lávvardaga 26.8.2017. Nu maiddái Leammi ja Urho Kekkonen álbmotmehciin. Musihkas ja herskuin beassá návddašit olgun, guovdu luonddu. 

UK-álbmotmeahci Aurora-dáhpáhusstobus álgá dii 12 Luonddulaš lávlagat -koarrakonsearta. Konsearttas lávlot Anára rávesolbmuidskuvlla nisson- ja almmáikoarra ja Ivalon mieslaulajat -koarra. Koaraid jođiha Katri Kittilä. Konsertii ii leat sisabeassanmáksu. Dáhpáhusbáikkis sáhttá oastit Saariselkä gilisearvvi vuovdin herskuid. 
 
Dál Leammi álbmotmeahcis Gábe Jovnna báikkis leat mis reaŋgan njealjejuolggát bargit. Oaidnit leaš mo sávccat váldet dan, go lávlla čuodjagoahtá sin guohtuneatnamiin. 
 
Govva: Kirsi Ukkonen
 
Gábe Jovnna giettis čuodjá musihkka buot golmma Suomas hállojuvvon sámegillii ja guđege giellajoavkku iežas árbevirolaš stiillain. Konsearttas lávlot, juiget, livđejit ja leu´ddjejit Satu Aikio, Hanna-Maaria Kiprianoff, Anna Lumikivi, Laura Pieski ja Marko Jouste.  
 
Eahkeda áigge gullat maid Gábe Jovnna báikki badjel čuođi jahkásaš historjjás ja dan mearkkašumis. Ofelažžan lea Oda-Liv Koivisto. Gábe Jovnna gietti árbevirolaš eanadaga dikšumis muitala Meahciráđđehusa suodjalanbiologa Mia Vuomajoki. Konseartaeahkeda mii loahpahit dasa, ahte beassat herskostallat luonddubuktagiin gohkkejuvvon mállása. Heikki Nikula lea dan min várás ráhkadan.   
 
Prográmma Gábe Jovnnas álgá dii 16, muhto dohko lea 5 minuhta fanasmátki Njurguluovttas. Fatnasat johtigohtet dii 15 rájes joga rastá. 
Leammi dilálašvuhtii ordnejuvvo mannan- ja boahtinsáhttu Suoločielgi-Avvil-Anár-Leammi. Leammi konsearttas, borramušas ja sáhtus berrojuvvo uhca máksu. 

 

Almmuheamit ja lassedieđut:

Searvva donge ávvudit Suoma luonddu ovttas earáiguin!