« Takaisin

Dearvvašvuođaluopmu, mas luonduge giitá - oza dál sávzaguođoheaddjin luonddučuozáhahkii

1/15/18
Hui bivnnuhis Meahciráđđehusa sávzaguođohanvahkuid almmuheapmi rahppojuvvo fas. Mo livččii vahku láigobarttas álbmotmeahcis dahje eará suodjalanguovllu luonddučáppa duovdagiin smávva sávzaealu guođoheaddjin? Sávzaguođoheaddjin beasat doallat dearvvašvuođaluomu Suoma fiidnámus luonddus. Ohcan álgá ihttin maŋŋebárgga 16.1.2018 dmu 12.
Govva: Mirja Nylander
 
 
Ávkeváikkuhus guođoheaddjiide ja birrasa lundui lea čielggas máŋggain mihttáriid bokte. Vahkku luonddu guovdu buorida fysalaš ja vuoiŋŋalaš dearvvašvuođa. Ealliid láhttema čuovvun ja sávzzaid njávkan lotkkodahttá ja ložže vearrámusge streassa. Vahkku luonddus ja ealliiguin buoridan vuostálastinnávcca. Persovnnalaš buori lassin guođohanvahkuide oassálastán olbmot dahket vejolažžan historjjálaš dáluid árbevirolaš luonddudikšuma ja seammás luonddu máŋggahámatvuođa lassáneami.
 
Ohcan geasi 2018 sávžaguođoheaddjin rahppojuvvo
 
Geasi 2018 sávzaguođoheaddjit ohccojuvvojit vuot. Ohcan guođoheaddjin álgá maŋŋebárgga 16.1. dmu 12 ja joatkašuvvá čuovvovaš maŋŋebárgii 23.1. dmu 12 rádjai. Sávzaguođoheaddjit vuorbáduvvojit  guovvamánus daid gaskka, geat leat almmuhan beroštumis. Almmuhanskovvi rahppojuvvo 16.1. dmu 12. Sávza- ja gussaguođohanvahkuin berrojuvvo máksu. Mávssuin boahtán sisaboađut geavahuvvojit báikkiid bajásdoallamii ja luonddudikšuma goluide.
Sávza- ja gussaguođohanvahkuin guođoheaddji sáhttá láigohit vahkkui doalu fiinna duovdagiid guovdu. Bonusan oažžu vejolašvuođa rájáhis ealliterapiijai njávkama gearjideaddji sávzzaid ja eanet iehčanas davvisuomagusaid luhtte. Guođoheaddjiid doaimmaide gullá lonuhit ealliide buhtes juhkančázi, čuovvut ealliid dili ja sirdit daid nuppi guohtumii dan mielde go dat guhtot. Ealliid lea buorre maiddái rehkenastit beaivválaččat, vai gárgidan ealliid lea vejolaš fáhtet. Doalu sturrodaga mielde guođoheaddji sáhttá váldit mielde bearrašis dahje ustibis guođohanskibirin. 
 
Lassidieđut: