« Takaisin

Dološáigge dálvi Anáris

12/19/17

Dán jagi dálvvai Anáris dološáigge láhkai nu buriid áiggiid, ahte muhtun guovlluin dálvvi gieddebarggut lea jo álggahuvvon. Anára guovllus lea muohta sulaid 40-50 cm.


Anárjávrris skohterluottaid merken lea álggahuvvon ja juovlavahkus merkenbargu lea gárvvis Anár-Avvil ja Avvil-Njellim luottain. Anárjávrris johttit galget doaisttážii bissut merkejuvvon gáddeluottain, go fávllit leat jikŋon easkka moadde vahku áigi. Stuorra fávlliide ii gánnet vel mannat.

Eará sajis Anára guovllus luottaid besset merkegoahtit loahppážiid maŋŋá.

Govve: Aimo Leppäkangas

Ohcejohkii leat ožžon maiddái lasi muohttaga ja dál doppe lea muohta 35-40 sentte. Ohcejoga guovllus árvvoštallet merkegoahtit skohterluottaid ođđajagimánu loahpas.

Buolbmátjávrri jieŋa alde johttiide váruhus: Buolbmátjávrris leat bahkašuvvan jiekŋabaldut ja čohka 20-25 cm allosaš ceakko jieŋat. Buolbmátjávrri skohterluodda merkejuvvo maŋŋeleappos. Sávvat, ahte ovdal dan muohtášii nu, ahte dat gokčá bastilis jienaid.

Anára ja Ohcejoga guovllus leat moattelogi gráđa buollašat ja daid dovdamušain Meahciráđđehusa luonddubálvalusaid veahka sávvá Dorvvolaš ja Ráfálaš Juovllaid!