« Takaisin

Giehtaruohttasa meahcceguovllu ja Sáná dikšun- ja geavahanplánaid sáhttá kommenteret

4/13/17

Meahciráđđehusa gárvvistan Giehtaruohttasa meahcceguovllu ja Sáná suodjalanguovlluid dikšun- ja geavahanplánat leat cealkámušjorrosis. Plánain sáhttá addit oaiviliid ja kommenteret miessemánu 31. beaivvi rádjai. Plánat leat oaidnimássii metsa.fi -fierbmesiidduin.

Goappáge plánas heivehit oktii sámekultuvrra ja boazodoalu hárjeheami eavttuid sihke luonddusuodjaleami ja guovllu eará geavaheami mihttomeriid. Giehtaruohtas lea dehálaš turisma- ja vánddardanbáiki, ja mihttomearrin lea lávdadit ovttasbarggu riikkarájá rastá, muhto stivret turismageavaheami nu, ahte bohccuid guođohanráffi seailu.

Giehtaruohttasa meahcceguovlu lea dehálaš meahccelágan luondduturismaguovlu

Eanaš oasis Giehtaruohttasis eai ovddit bálvalanrusttegiid, muhto dat seailu ain Meahcceeanalága mielde meahccelágan guovlun, mas váldoávkkástallanhámit leat boazodoallu sihke meahcce- ja guollebivdu. Guovllu stohpo- ja máđidjafierpmádat bajásdollo resurssaid addán rámaid siste. Gilbbesjávrri luondduguovddáš ja dan doaimma ovddideapmi dollo dehálažžan, dat doarju bealistis Gilbbesjávrri gili turismma ovddideami.

Meahciráđđehussii lea dahkkon evttohus Háldi máđidja rahpamis meahccejohtalusluoddan. Dál Háldii beassá vuodjit dušše ofelačča mieđuštemiin. Ollašuvadettiin luodda livččii rabas mohtorgielkálobi oastán olbmuide. Cealkámušjorrosis sávvet oaiviliid maiddái dán evttohussii.

Sáná bajásdollo ain beaivemohkkebáikin

Sáná lea bivnnuhis beaivemohkkebáiki, ja plánaguovllus bálvalanráhkadusaid lea mihttomearri čohkket Gilbbesjávrri gili, Sáná ja Kalohttamáđija birrasii. Dáinna stivrejuvvo suttis eatnama áigge geavahandeaddu ráhkaduvvon máđijaide eastit eatnama gollama ja šládjadihttomiid vaháguvvama. Plánas evttohit muhtun divvunčuozáhagaid, earret eará Sáná ráhpaid ođasmahttima.

Plánaid gárvvisteami áigge čanusjoavkkuin ja riikkavuložiin leamašan vejolašvuohta váikkuhit plánii earret eará máŋggain almmolašdilálašvuođain, ja plánaevttohussii sáhttá ain muitalit oaiviliid. Plána gárvvisteamis leamašan mielde ovttasbargojoavku ja sámedikki nammadan Akwe: Kón -joavku.

Sihke Giehtaruohttasa meahcceguovllu ja Sáná dikšun- ja geavahanplána evttohusat gávdnojit čujuhusas www.metsa.fi/kasivarsisuunnittelu (suomagillii).
 
Lassedieđut: