« Takaisin

Guolleváriiddikšunmávssut jahkái 2018 leat dál vuovdimassii

12/20/17

Presideanta Sauli Niinistö lea nannen riikkabeivviid dohkkehan láhkaevttohusa, mas guolleváriiddikšunmávssu sturrodahkii bohte nuppástusat. Guolleváriiddikšunmávssuin doarjut suopmelaš guolásteami ja guollečáziid.

Guolleváriiddikšunmávssut jahkái 2018 leat boahtán vuovdimassii. Sierra guhkkosaš guolleváriiddikšunmávssuid sáhttá oastit Meahciráđđehusa eräluvat.fi-fierbmebálvalusas, bálvalannummiris 020 69 2424 ja Meahciráđđehusa luondduguovddážiin. Guolleváriiddikšunmáksu kaleandarjahkái lea 45 euro, čieža jándorii 15 euro ja ovtta jándorii 6 euro.
 
Guolleváriiddikšunmávssut bohte vuovdimassii, go dásseválddi presideanta nannii 19. juovlamánu lága, man okta oassi guoskkai guolleváriiddikšunmávssu sturrodaga. Riikkabeaivvit dohkkehii láhkaevttohusa dievasčoahkkimisttis 8. juovlamánu.
 
Guolástanlága (79 §) mielde juohkehaš 18—64 -jahkásačča, guhte guolásta muđuid go oaggumiin dahje rudneoaggumiin, galgá máksit stáhtii guolleváriiddikšunmávssu. Duođaštus mávssu máksimis galgá lea mielde, go guolásta. Mávssuid čoaggimis vástida Meahciráđđehus.
 
Guolleváriiddikšunmávssuin dorjot guollečáziid dikšuma ja geavaheami plánema. Váriid mieđihit guolástanguovlluide, guollebivddu bearráigehččui ja guolledoallorávvemii, ja lassin čáhceguovlluid eaiggádat ožžot buhtadusaid guollečáziid geavaheamis. Eana- ja meahccedoalloministeriija mieđiha riikkaviidosaš doarjagiid iežas guovlluideaset fidnuide ja doibmii. Ejb-guovddážat juhket maiddái buhtadusaid čáhceguovlluid eaiggádiidda.
 

Lassidieđut: