« Takaisin

Meahciráđđehusa čuovvumiin eai áican mearkkaid njála čivgabesiin

11/27/17

Meahciráđđehusa čuovvumiin eai áican mearkkaid njála čivgabesiin
Meahciráđđehusa dahkan njálaid beassedárkkistemiin eai dán jagi áican mearkkaid njála čivggain. Suomas maŋimuš sihkkaris njálačivgabeassi lea gávnnahuvvon jagi 1996. Meahciráđđehusa Luonddubálvalusat lea dahkan Lappi guovllus njállačuovvuma 1990-logu rájes.


Dálvit ja geassit 2017 dahke 259 dárkkistanfitnama buohkanassii 227 sierra beassái Davvi-Sámis. Eanodagas gávdne ovtta aktiivvalaš njállabeasi, mas eai goittotge riegádan čivggat. Aktiivvalaš beasi lassin njálas dahke Eanodagas ja Ohcejogas máŋggaid sihkkarastojuvvon oaidnináicamiid ja eahpesihkkarin báhcán luoddaáicamiid.

Govva: Meahciráđđehus

Muolddahiid ja goddesáhpániid mearit ledje vuollin, ja njála gilvvohallit, riebanat, ledje duoddaris vehá unnit go 2016. Áicamat besiin ássan dahje lihkadan riebaniin girjejuvvojedje oktiibuot 48 beasis.

Meahciráđđehusa njállaregistaris leat 334 njála/riebana beasi, main ráhpadis 100 beasi ledje nu bahuid gahččan, ahte eai leat šat juohke jahkásaš dárkkistandoaimma vuolde. Giehtagierraga guovllus dárkkistusaide oassálaste Meahciráđđehusa lassin Luondduváriidguovddáža bargit.

Njálas ii mana bures Suomas

Maŋimuš sihkkaraston njállačivgabeassi lea gávnnahuvvon Suomas jagi 1996 Ohcejogas. Njálla lei čuođi jagi áigi almmolaš Eanodaga ja Ohcejoga duottarguovllus ja maiddái oasis Anára. Dán maŋŋá nálli unnui garrasit. Náli gahččama sivaid eai dieđe sihkkarit. Otná beaivve njála máhccama stuorámus áitta lea dálkkádatnuppástus ja rieban gilvvohallamin seammá biepmus ja goddimin njálaid.