« Takaisin

Riikkabeaivvit dohkkehii evttohusa guolleváriiddikšunmávssu bajideamis

12/12/17

Riikkabeaivvit lea dohkkehan ráđđehusa evttohusa, man mielde guolleváriiddikšunmáksu bajiduvvo jagi molsašuvadettiin. Riikkabeaivvit dohkkehii evttohusa dievasčoahkkimisttis 8. juovlamánu.

Evttohusa mielde jagi 2018 álggus guolleváriiddikšunmávssus leat ođđa hattit. Oppa kaleanddarjagi guolleváriiddikšunmáksu loktá 45 euroi, čieža jándora máksu 15 euroi ja ovtta jándora máksu guđa euroi. Lassin bušeahttaárvalusa válmmaštallama vuolggasadjin válde vuvdojuvvon guolleváriiddikšulobiid meriid. Lága fápmuiboahtin gáibida vel dásseválddi presideantta nannema.

Ráđđehusa evttohusa vuođđun leat árvvoštallama unnit guolleváriiddikšunmávssu čoggomat ja guhká joatkašuvvan guolleváriiddikšunmávssu meari geahppáneapmi. Guolleváriiddikšunmávssu čoagganeapmi lea evttohusa mielde báhcán sulaid guokte miljon euro unnibun go guolástanlága ođastusa oktavuođas árvvoštalle.
 
Guolleváriiddikšunmávssut bohtet vuovdinláhkái Meahciráđđehusa neahttagávppis ja R-kioskkain lagašáiggiin, go láhka lea nannejuvvon.
 
Suomas guolleváriiddikšunmávssu galgá máksit, jus guolásteaddji ahki lea 18-64-jahkái ja son guolásta eará láhkai go oaggumiin, rudneoaggumiin dahje sallitgoallosvuokkain.
 

Lassidieđut