« Takaisin

Sávza- ja gussaguođohanvahkuid bivnnutvuohta stuorui - dán jagi suopmelaččaid geasuhii Sápmi

1/24/18

Meahciráđđehusa guođohanvahkuid bivnnutvuohta stuorui ain. Čohkkejuvvon ohcamis ledje juohkinláhkái oktiibuot 156 guođohanvahku guovttenuppelogi sierra guođohančuozáhagas. Sierra čuozáhagaide ohce oktiibuot 8483 geardde. Sullii goalmmátoassi ohcciin almmuhedje vuosttassaji sávaldahkan guođohanvahku Sámeguovllus. Guođohanvahkut vuorbáduvvojit beroštumi almmuhan ohcciid gaskkas ja ohcciide almmuhit bohtosiin guovvamánu áigge.

 
Álbmotmeahcit ja luonddusuodjalanguovllut sierra guovlluin Suoma ohce ođđajagimánus sávza- ja gussaguođoheaddjiid eallámušlupmui guovdu fiidnáseamos lundomet fuolahit láiddonealliid buresbirgejumis. Sávzaguođoheaddjiid ohce guovttenuppelogi čuozáhahkii. Goalmmátoassi ohcciin almmuhii vuosttassaji beroštupmin sávzzaid guođoheami Sámis, gos guođohančuozáhagat leat guokte: Leammis ja Ohcejogas. Juohke viđat ohcci almmuhii beroštumi Ohcejohkii ja 15 % ohcciin háliidedje vahkkui Leammái. Goalmmádin bivnnuheamos čuozáhat lei Koli Lakkala dállu, man 15 % ohcciin leat almmuhan vuosttasčuozáhahkan. Bivnnuheamos guođohanáigi lea suoidnemánnu. Sávzaguođoheaddjiid ohcan nogai 23.1.2018 diibmu 12.

Gáppe-Jon báikki ássangieddi. Govva: Olli Järvenkylä
 
"Davvi-Suoma čuozáhagat ja historjá orrot geasuheamen. Jagi 2018 ohcama ođđa áššin fálaimet ohcciide vejolašvuođa bidjat ohcančuozáhagat ortnegiid beroštumi mielde. Boađus heahkastuhtii, go fuomášeimmet, ahte juohke viđat ohcciin háliidivččii leat vahku measta gitta Njuorggámis", smiehttá Meahciráđđehusa eaktodáhtolašdoaimma koordináhtor Joel Heino. Jagi 2017 sierra čuozáhagaide ohce oktiibuot 4 767 geardde.

Buohkanassii sávza- ja gussaguođoheaddjit ohce Leammái (684 ohcci), Kolovesii (797 ohcci), Syöttei (578 ohcci), Kolii (Seppälä dollui 881 ohcci ja Lakkala dollui 865 ohcci), Isojärvi (673 ohcci) ja Pyhä-Häki (643 ohcci) álbmotmehciide ja Kuhmo Elämyssalo Levävaara dollui (602 ohcci), Näränkä meahccedollui (631 ohcci), Mikkeli Neitvuori Hiidenmaa dollui (797 ohcci) ja Ohcejoga Jeagelveaji sámedollui (703 ohcci). Gussaguođoheapmi Evos geasuhii 626 ohcci. Sávza- ja  gussaguođoheaddjit vuorbáduvvojit ohcciid gaskka ja ohcciide almmuhit vuorbádeami bohtosis guovvamánu 2018 loahpa rádjai.
 
Guođohanvahkuid deháleamos mihttomearri lea árvvolaš árbebiotohpaid dikšun ja máŋggahámatvuođa bajásdoallan, go sávzzat ja gusat leat buoremus suodjalanguovlluid árbeduovdaga divššárat. Guođoheapmi seailluha árbeduovdaga rabasin ja dorvvasta doppe dihtton šlájaid eallinbirrasiid. Sávza- ja gussaguođohanvahkuid konseapttas guođoheaddji láigoha doalu vahkkui alccesis. Bonusan leat eallit, maid ovddasvástádus lea Meahciráđđehusa Luonddubálvalusain. Juohke guođoheaddji oažžu vahku álggus rávvagiid buresbirgejumi čuovvumii ja guođoheaddjis lea vejolašvuohta bivdit veahki guođohanbargui oktavuođaolbmos. Vahkuin boahtán sisaboađut geavahuvvojit iešguđege čuozáhaga ja dan birrasa luonddusuodjalanguovllu dikšumii ja guođohanealliid skáhppomii guvlui. Guođoheaddjit sáhttet háliidettiin maiddái oassálastit eaktodáhtolaš suodjalanguovlluid dikšunbargguide.
 

Lassidieđut