« Takaisin

Siidda 20-jagi ávvučájáhus rahppo 27.3.2018

3/19/18

Sámemusea buvttadan Siidda ávvujagi čájáhus muitala sámeamusea vuođđudeaddji Johan Nuorgam birra. Čájáhus rahpasa 27.3.2018 dmu 15:30 ja dat lea ovdan Siiddas 6.1.2019 rádjái.

 
Siidda ođđaseamos molsašuvvi čájáhus Johan Nuorgam – sámi gaskkusteaddji muitala Johan Nuorgam (1910–1978) birra. Son lei eret Idjajávrris ja lei sámi kultuvrra gaskkusteaddji, árraáiggiid kulturofelaš. Son dovddai sámi árbevieru ja sámegiela ja máŋggat dutkit geavahedje su diehtogáldun. Son lei 1930-logus ofelažžan Álbmotmusea Seurasaari olgomuseas ja čokkii ieš maid diŋggaid ja dávviriid. Son lei doaimmaheaddji, politihkár ja kulturalmmái, gii 1950-logu loahpas vuođđudii Anára sámemusea.
 
Johan Nuorgam. Govva: Sámemusea SiidaNuorgam eallima birra muitaleaddji govat, jietnabáttit ja áviisačállosat láhčet geahčči čalmmiid ovdii earenomaš gova dán sámi albmá fierpmádagain, nu suopmelaš go sápmelašge servodagas.
Čájáhusa váimmusin leat Nuorgam 1930-logus čoaggin hárvenás dávvirat. Dat lea seammás vuosttas dávverollisvuohta, man Álbmotmusea máhcahii Sámemuseai. Dávvirat leat buohkanassii lagabui 70. Dáid siste lea maid muhtun hui hárvenaš dávvir.
 
Nuorgam gearggai bargat Sabmelaš-bláđis veahkkebargin ja váldodoaimmaheaddjin, suoma- ja sámegielat Tunturisanomat-bláđi doaimmaheaddjin ja vuođđudit sámeradio. Su diehtu ja máhttu oidnojit T.I. Itkonen viiddis Suomen lappalaiset -girjjis ja su máidnasiid beassat gullat čájáhusas sáme- ja suomagillii. Čájáhus muitala maid das, makkár mearkkašupmi Nuorgamis lei go smihtte makkár Anára sámemusea galggašii leat ja mo Nuorgam lei ollašuhttimin musea. Son lei museajurddašeami ovdavázzi.
 
Lassedieđut