« Takaisin

Suoma ja Norgga rádji Háldis vuoliduvvo

7/7/18

Suoma ja Norgga rádji lea rabas, nu ahte vánddardeaddjit sáhttet rasttildit rájá friija. Dás fuolakeahttá rádji hábme oaidnemeahttun eastaga virgeoapmahaččaid ja eará doibmiid ovttasbargui. Luondu ii almmatge dovdda rájiid, ja riikkaidgaskasaš eastta unnimustá vuoliduvvo. Ovttasbargui oassálastiba Norga ja Suopma ja dan ruhtada EU.

Govva: Seija Olkkonen / Meahciráđđehus

Háldi-fidnus huksejuvvo rájáid rasttildeaddji ovttasbargoguovlu. Dán guovllu hábmejit Giehtaruohttasa meahcceguovlu Suomas, Reisa álbmotmeahcci ja Raisduoddara eanadatsuodjalanguovlu Norggas. Dáid guovlluid dikšut hábmejit Eurohpá luonddusuodjalanguovlluid lihtu dahjege Europarc Transboundary Park -málle mielde bissovaš ovttasbargoorgána. Ovttasbargui ožžot searvat maiddái eará doaibmit iešguđet luonddusuodjalanguovllus, dego virgeoapmahaččat, guovllu olbmot, badjeolbmot ja turismafitnodatdoallit. Ovttasbargoguvlui juhkkojuvvo Europarc-sertifikáhtta, muhto nuppástusat luonddusuodjalanguovlluid sajádahkii dahje njuolggadusaide eai dahkkojuvvo.

Háldi-fidnus lea hálo sihkkarastit guovllu bistevaš geavaheapmi ain nannosut ovttasbargguin riikkarájá rastá. Fidnus buoriduvvo maid ráji rasttildeaddji geinnodagaid ja turisttaid oahpisteapmi Háldi ja Gilbbesjávrri luondduguovddážiin ja fierpmi bálvalusain. Geinnodagat ja ráhkadusat dahkkojit oktilažžan, ja dás ráhkaduvvo plána dikšun- ja geavahanplánaid rámmaid mielde. Guvlui eai boađe ođđa geinnodagat dahje ráhkadusat.

Fidnus adnojit ávkin geavaheddjiid vásáhusat. Dat čoggojit geasi áigge báikediehtojearahallamiin. Neahttavuđot kártajearahallama čujuhus lea https://query.eharava.fi/2298 ja dat gullá BuSK-fidnui, man jođiha Luondduriggodatguovddáš.

Seammasullasaš, Suoma, Norgga ja Ruošša rájáid rasttildeaddji ovttasbargu lea lihkostuvvan bures Anár–Pasvik-guovllus ja maiddái Oulanka ja Paanajávrri álbmotmehciid guovllus Suoma ja Ruošša rádjeguovllus. Boahtteáigge ovttasbargui bovdejuvvojit maiddái Ruoŧa luonddusuodjalanguovlluid dikšut ja eará doaibmit.

Háldi-fidnu jođiha Meahciráđđehusa Lappi luonddubálvalusat ja Suomas mielde lea maiddái Luondduriggodatguovddáš. Norgalaš ovttasbargoguoimmit leat Reaisa álbmotmeahci ja Raisduottarháldi eanadatsuodjalanguovllu stivra, Háldi luondduguovddáš, Gáivuona gielda ja Romssa universitehta.

HÁLDI – Rájáid rasttildeaddji ovttasbargoguovllu hábmen –fidnu bistá 1.3.2018–31.5.2020. Suoma ruhtadanoassi lea 417 557 € ja Norgga fas 543 669 €.

Lassidieđut