« Takaisin

Tuvra Jeagelveaji sámedállui

8/16/18
Eurohpá kulturbirasbeaivvi ávvudeapmi lea Ohcejoga Jeagelveaji sámedálus lávvordaga 8. beaivve čakčamánu. Tuvrras beassá oahpásnuvvat Jeagelveaji dállui, arkeologiijai ja huksenárbevieru divvumii. Davvi-Lappi Luondduguovddáš Siida lágida tuvrra ovttas Sámemusea Siiddain. Lágideaddjit fállet Jeagelveaji dálus káfe.
 
Jeagelveaji sámedállu Deatnogáttis. Govva: Meahciráđđehus.
 
Tuvrii lea linjabiilasáhttu Vuohčus, gos sáhtu haddi lea 20€, Avvilis 15€ ja Anáris ja Ohcejogas 10€. Dálu lusa sáhttá boahtit maid iežas sáhtuin. Almmuheamit sáhttui maŋimustá duorastaga 5.9.2018.
 
Tuvrii almmuheapmi ja lassegažaldagat Davvi-Lappi Luondduguovddáš Siida tel. 0206 39 7740 dahje siida@metsa.fi. Tuvrii gánneha váldit iežas niestti mielde ja gárvodit olgogárvvuide.
 
 
Lasidieđut: