Rájijovsseba gieddi

Rájojovsseba gietti sajádat Suomas.Nuorta-Lappi
Anár (www.inari.fi)
Urho Kekkonena álbmotmeahcci
Čuozáhaga dikšu Meahciráđđehus.

Rájijovsseba giettis sáhttá oahpásmuvvat ássangieddái, man Joosef Sallila huksii alccesis ja eallinguoibmásis Matilda Lehikoinenii 1900-logu álggus. Rájijovsseba gieddi lea riikka dásis mearkkašahtti kulturhistorjjálaš biras ja stáhtaráđi mearrádusa vuođul suodjaluvvon.

Rájijovsseba gieddi. Govva: Nina Raasakka.


Šilljobiras lea seilon measta álgohámis: visttit leat ordnejuvvon ja šilljobiras lea dollojuvvon jalgadin. Šilljobirrasis gávdno maiddái soađiáigásaš (1939 - 1945) dáistalanhávdi. Rájijovsseba gieddi gullá UK-álbmotmeahcci - Soabbat - Kemihaara Natura-guvlui.

Rájijovsseba gieddi lea Lohtu gáttis lahka Ruošša ráji. Lohtu duohken Ruošša bealde rahpasit áibmadas várreduovdagat. Beahcán lea gullan Supmii 1920 - 1944, mii oaivvilda dan ahte Jovsseba ja Matilda ealedettiin riikkarádji lea molsašuddan. Gaskkohagaid soai leaba ássan čuođi kilomehtera duohken Ruošša rájis.

Rabasáiggit

  • Rájijovsseba gieddái beassá oahpásmuvvat birra jagi, muhto dálvvi áigge gieddái manni geaidnu ii dollojuvvo rabasin. Gieddái ja dan visttiide sáhttá oahpásmuvvat nuvttá.
  • Čuozáhahkii sáhttá oahpásmuvvat friddja iige gallestallama várás dárbbaš leat rádjeavádatlohpi. Rádjeavádaga sirdin lea rahpan gietti juohkeolbmogeavaheapmái. Gieddái sáhttá oahpásmuvvat maiddái bievlan nu, ahte vázzá UK-álbmotmeahci ráji alde vuolgi geainnu mielde, dálvit fas sáhttá johtit čuoigga. Go oahpásmuvvá Rájijovsseba gieddái, de gánnáha muitit ahte rádjeavádahkii ii oaččo mannat. Dat dagaha alárpma ja rádjegozihanlágas daddjojuvvon čuovvumušaid.

Oktavuođadieđut

Johtinoktavuođat

Johtinoktavuođat Rájijovsseba gieddái © Meahciráđđehus

Biillain

  • Geainnu nr 91 mielde vuddjojuvvo Avvilis Áhkojávrri bokte Rájijovssebii, Suoma ja Ruošša ráji lusa (sullii 55 km). Ovdal tuollostašuvnna ja viiddis geaidnogovddideami jorggihuvvo olgeš guvlui Lohtu gáddái manni čievrageainnu ala, man mielde galgá vuodjit sullii kilomehtera. Biila bissehuvvo smávva parkerensadjái ja loahppamátkki, sullii 300 m, šaddá vázzit. Dálvvi áigge čievrageainnu eai ploge ja dalle Rájijovsseba gieddái sáhttá johtit tuollostašuvnnas čuoigga.

Almmolaš fievrrut

  • Avvilis Murmánskii manni linnjabiillain sáhttá mátkkoštit Rájijovsseba tuollostašuvdnii, mas lea vácci/čuoigga čuozáhahkii sullii kilomehtera mátki.

Bálvalusat

  • Rájijovsseba gietti lahkosiin UK-álbmotmeahci ráji luhtte lea parkerensadji ja šilljobirrasis lea návetvistti duohken goikehivsset.
  • Guovllus ii oaččo dolastallat.
  • Čuozáhatoahpistanrusttegat gárvvásmuvve 2007:s.

Lihkadanlápmásiid bálvalusat

  • Guovllus eai leat lihkadanlápmásiidda oaivvilduvvon bálvalusat.