Sámi meahcceguovllut

Bohccot Gálddoaividuottaris. Govva: Petteri Polojärvi/MH.

Lappi meahcceeanaguovllut - Guhkás árgabeaivvis Davimus Sámi meahcceeanaguovlluin sáhttá vánddardit beaiveviissaid iežas bálgáid mielde -  deaivvakeahttá eará johttiid. Doppe sáhttá návddašit meahcceeanaguovlluid jaskatvuođas ja luonddu čábbodagas. 

Sámi meahcceguovllut kárttas © Meahcirađđehus 2011
 
Meahcceeanaguovlluid ii gánnet badjelgeahččat, doppe eai leat bálvalusat ja ávdinstobut leat hárvvit. Vánddardeapmi ii leat dušše gáfestallan dollagáttis eahketbeaivebáitagis. Meahcceeana lea hástalus sihke vuoiŋŋalaččat ja fysalaččat. Ferte nagodit gurput lossa rehpo oppa beaivvi ja vel maŋit beaivvige dahje rundit kanohta geađgás guoikka badjel. Dan lassin dárbbaša buriid dádjadanattáldagaid, ja dola galgá máhttit cahkkehit maiddái arvvi siste. Málesteapmi lea lunddolaččat maiddái dárbbašlaš sihke idjadeapmi luonddus. Muhto jus vánddardandáiddut leat ja dat leat iskkastallon álkit diliin, de gal meahcceeana máhttá maiddái bálkkašit. Dalle ii heajos dálkige hehtte olus.
 
Meahcceeatnamat leat viiddis, ásakeahtes, geainnohis báikkit ja measta oalát luonddudilis. Ja mihttomearrin lea seailluhit daid dakkáražžan.  Dan dihtii dušše árbevirolaš ealáhusat dego meahccebivdu, guollebivdu ja boazodoallu leat vejolaččat.
 
Suomas leat 12 meahcceguovllu, maid ollesviidodat lea measta 15 000 km². Meahcceguovlluin atná ávvira Meahciráđđehus.
 
Dieđuid Kemihaara ja Tuntsa meahcceguovlluin gávnnat min neahttasiidduin suomagillii ja ruoŧagillii.  
 

Eará sajis interneahtas

 
Loga lasi (www.metsa.fi, suomagillii)