Dahkamuš ja oaidninveara Tankavári luondduguovddážis

Bissovaš čájáhusat

  • Váldočájáhusas oahpásnuvat Urho Kekkonen álbmotmeahci lundui, historjái ja meahci dalá geavaheapmái, nugo mat tuvrraide ja boazodollui.
    • Giella: suomagiella ja eaŋgalasgiella. Oažžumis maiddái duiskka-, fránskka-, sáme-, ja ruoŧagielat jorgalusat.
  • Boralottit- čájáhus ovdanbuktá lappilaš boralottiid, ee. goaskima
    • Giella: suoma ja eaŋgalasgiella

Molsašuddi čájáhusat

  • Luondduguovddážis leat maid iešguđetgelágan molsašuddi čájáhusat.

Joavkooahpisteamit

Buot oahpisteamit várrejuvvojit ovddalgihtii luondduguovddážis. Joavkkus ávžžuhit leat eanemustá 30 olbmo.

  • Váldočájáhusa oahpisteapmi
    • Čuozáhatjoavkun turisttat ja tuvrahaččat.
    • Oahpásnuvvat Urho Kekkonen álbmotmeahccái.
    • Bistá 45 min.
    • Haddi 50 € (sis 24% álv).
  • Boralottit-čájáhusa oahpisteapmi
    • Čuozáhatjoavku skuvllalaččat, muhto heive maid ollesolbmuide.
    • Oahpásnuvvat lappi boralottiide.
    • Sisdoallá bargobihttápáhka
    • Bistá 45 min.
    • Haddi skuvalaččaide 1,5 €/oahppi, muhto eanemustá 50 €. Earáide 50 € (sis 24% álv).
  • Tuvraspeallu
    • Čuozáhatjoavku skuvllalaččat, muhto heive maid ollesolbmuide.
    • Hearvás diehtogilvospeallu, mas fáddán lea Urho Kekkonen álbmotmeahcci
    • Bistá 1,5 h.
    • Haddi skuvalaččaide 1,5 €/oahppi, muhto eanemustá 50 €. Earáide 50 € (sis 24% álv).
  • Badjeolbmo bálggus – tuvrahačča paradiás – oahpistuvvon diačájáhus
  • Čuozáhatjoavku tuvrahaččat.
    • Čájáhusa sáhttá diŋgot maiddái luondduguovddáža olggobeallái (ovdm. diŋgojeaddji lusa).
    • Bistá 1 d.
    • Haddi 50 € (sis 24% álv). Jus diŋgojuvvo luondduguovddáža olggobeallái, haddái lasihuvvojit mátkegolut.

Filmmat auditorias

  • Olbmo meahcci – Urho Kekkonen álbmotmeahcci (28 min.)
    • Jietna: musihkka
    • Filbma ovdanbuktá álbmotmeahci luonddu, duovdagiid, elliid sihke iešguđetgelágan doaimmaid buot jahkodagain.
    • Sávaldagas čájehit maid eará álbmotmeahci lagasbirrasa ovdanbukti filmmaid ja boarrásit diaprográmmaid.

Giehtagirjerájus

  • Váldočájáhusa oktavuođas lea giehtagirjerájus, gos gávdno guovllu lundui ja historjái laktáseaddji girjjálašvuohta.

Mánáid buđaldančiegat

  • Máinnashoallu
    • Máinnashoalus sáhtát guldalit máidnasa Gáddjá-guovžžas (10 min.) ja stoahkat dipmaelliiguin.
    • Máidnasa giella: suomagiella.
  • Duddjončiehka
    • Giehtagirjerádjosa bálddas lea beavdi ja dárbašat buđaldeami váste.

Fiellolávvu

  • Luondduguovddáža olggobealde lea fiellolávvu, gos sáhttá borrat nisttiid ja bassit márffiid dollagáttis.

Luonddubálgát

  • Luondduguovddáža šiljus vulget njealje luonddubálgá iešguđetge guhkkodagas, mat dálvet doibmet merkejuvvon muohtagáma ja dálvevázzinmađiidan. 3, 6 ja 7 km:a guhkkosaš bálgáid guoras lea goahti ja dollasadji.
    • Urpiainen (1 km)
      • Dollo rabas dálvet ja dálvevázzinmáđidjan.
    • Koppelo (3 km).
    • Kuukkeli (6 km).
      • Bálgá álgogeažis 2 km:a mátkkis leat guovllu soahtehistorjjálaš čuozáhagaid oahpistantávvalat. Čuozáhagat gullet nuppi máilmmisoađi áigásaš duiskalaš Schultzwall-bealuštanstašuvdnii.
      • Bálgás vuolgá merkejuvvon geinnodat Soabbada luonddumeahccái. Geinnodat lea ovtta guvlui 15 km, ja dan guoras vuolgá bálggis Pyhä-Nattasii (2 km).
    • Geologalaš bálggis (7 km)