Ođđasat

Davvi-Lappi vánddardanráhkadusaid leat ordnen viššalit geasi áigge

Urho Kekkonen ja Leammi álbmotmehciin leat geasi áigge ordnen viššalit ráhkadusaid, mat bálvalit vánddardeaddjiid. Ordnen lea dahkkon stobuide, loddetoartnaide, muorravisttiide ja maiddái heaŋgášaldái. Ordnenbargguin vástidat stuorru galledeaddjimeriide.

Urho Kekkonen ja Leammi álbmotmehciid galledeaddjimearit leat lassánan dássidit máŋga jagi maŋŋálaga. Ođđajagimánu ja suoidnemánu gaskkas galledeaddjimearit leat lassánan Urho Kekkonen álbmotmeahcis 32 % ovddit jagi ektui ja Leammi álbmotmeahcis 50 %. Dán jagi vuordit fas buot áiggiid olahusa galledeaddjimeriin.

Urho Kekkonen álbmotmeahcis leat ordnen Čoarvejoga ávdin- ja várrenstobu ja Gumppebeasi láigogoađi. Árabut čakčat gárvvásmuvai ollásit ođđa Rávdoláddo ávdin- ja várrenstohpu ja beaivestohpu. Rávdoláddo ollisvuohta ollašuhttui oalát ođđa konseaptta vuođul modeardna hápmegiela ja ráhkadusaidge beales. Lassin álbmotmeahci guovllus ođasmahtte máŋggaid hivssegiid eanet birasustitlažžan ja fuolaheami dáfus álkibun.
Urho Kekkonen álbmotmeahcis ođasmahtte Lankojärvi, Luirujávrri, Čoarvejoga, Gumppebeasi, Šuomaruovttu ja Tuiskukuru hivssegiid. Bátneduoddara meahcceguovllus Rávdojávrái huksejedje maiddái ođđa hivssega ja Geavu luonddumeahci bálddas Ruktajávri. Leammi álbmotmeahcis Fásku ávdin- ja várrenstohpu ordnejuvvojedje.

Soabbada luonddumeahci bivnnuhisvuohta lea maiddái lassánan olu. Doppe ordnejedje Unna-Dávgevári ja Soabbatjávrri loddetoartnaid ja Pyhä-Nattanen máđija vuolggasaji hivssega. Soabbada luonddumeahci nuorttabealde lean Orponen heaŋgášaldi divvojuvvui ođđa láŋkkuiguin ja giehtamuoraiguin.

Vánddardanráhkadusaid ordnen váikkuha miehtemielalaččat báikkálaš ekonomiijai ja barggolašvuhtii báikkiid lagašguovlluin. Stuorámus oassi ordne- ja huksenbáikkiin dahkkojuvvui olggobeale agoartaváldiid bokte fálaldatgilvvuin ja oassi bargguin fas Meahciráđđehusa Luonddubálvalusaid bargoveagain. Buot barggut leat lihkostuvvan bures ja plánejuvvon áigetávvala siste.

Lassedieđuid