Davvin ellet jagi oaneheamos vahku

Davvi-Sámis ellet jagi oaneheamos vahku, jus dan mihtida beaivvi guhkkodagain. Dán jagi oaneheamos beaivi lea Anára ja Suoločielggi guovllus juovlaruohttan, muhto Ohcejogas juovlaruohta ruohttan. Beaivi bissu ain jávkosis albmeravdda duohken, vaikke beaivi čuovgadis áigi guhkkuge juovllaid maŋŋá rievssaha lávkkiiguin. Čuovgadis áiggi guhkku minuhta dahje moadde minuhta háválassii. Beaivi goargŋu albmeravdda bajábeallái čuovvovaš háve ođđajagimánus.

Leammis lea fuolahanluodda, man sáhttá ávkkástallat maiddái čuoigga. Govva: Alexander Kopf.

Davimus Sápmái lea muohttán oalle olu. Muohttaga gassodat molsašuddá báikkiid mielde 40 ja 60 cm gaskka. Álgodálvvi áigge leat vurohallan oanehis buollašat ja bivvalat sihke muohtti ja arvi. Dán jagi muhtii viehka árrat ja jieŋa alde lean gassa muohta njoahcuda jieŋaid gassuma. Jávrriid ja jogaid alde lea olu čáhci. Dilli meahcis lea dál hui hástaleaddji.

Ohcejogas muohta lea badjel 40 cm. Njálaid biebmanautomáhtat leat devdojuvvon ja daid doaibman lea dárkkistuvvon Gálddoaivvi ja Báišduoddara meahcceguovllus. Biebmanautomáhtaiguin figgat veahkehit áittavuloš njála ceavzima. Jus áiccat automáhta luonddus jođedettiinat, dan galgá diktit orrut doppe almmá guoskkakeahttá.

Njálaid biebmanautomáhtat leat devdojuvvon ja daid doaibman lea dárkkistuvvon Gálddoaivvi ja Báišduoddara meahcceguovllus. Govva: Aimo Leppäkangas.

Anára ja Leammi guovllus lea muohta sulaid 40 cm. Leammis joga alde lea fuolahanluodda, man sáhttá ávkkástallat maiddái čuoigga ja dat lea merkejuvvon Searitnjavi rádjai. Máđidja merkejuvvo Gollehámmana rádjai ovdal juovllaid.

Anárjávrri mohtorgielkáluottaid gáddemáđijaid merken álgá. Máđijat Veskonjárga – Njellim, Anár, Avvil ja Goahppil – Veaskonjárga – Áijih gárvvásmuvvá vahkus 51.

Anárjávrris leat suttit ja olu čáhci. Dál sáhttá leat čáhci jieŋa alde juobe 5 km mátkkis. Jieŋa gassodat lea dálá dieđuid mielde eanemustá 35 cm. Merkejuvvon máđijain jieŋa assodat lea mihtiduvvon, ja doppe sáhttá luohttit, ahte jiekŋa lea nanus.

Anárjávrri fávlemáđija merken álgá 7.1.2020 ja dat bistá sulaid 1,5 vahku. Mohtorgielkámáđijat Anáris Gihttelii ja Avvilis Bátneduoddara bokte Anárii merkejuvvojit maiddái jahkemolsašumi maŋŋá.

Leammi. Govva: Aimo Leppäkangas.

Urho Kekkonen álbmotmeahcis muohttaga gassodat molsašuddá Urho Kekkonen álbmotmeahcis 50-60 sentte gaskkas. UK-meahcis  jogat leat vel báikkuid measta suttisin ja jieŋat raši. Jieŋa gassodat Luirujávrris lea maŋimuš mihtideami mielde dušše sulaid 10 cm.


Álbmotmeahci luonddubearráigeahččit muitalit, ahte Korvatunturi guovllus leat gullan maŋimuš beivviid veahčira duorrama ja smávva divggaid skila – Juovlastállu doppe jo ráhkkana vuolgit jahkásaš bargoreisui.

Dáid ságaid mielde Davvi-Sámi párkaguovllu bargoveahka sávvá Buriid ja Dorvvolaš Juovllaid!

Lassidieđut