Ođđasat

Eaktodáhtolaš bargui Bielbajávrri meahccegirkui Anárii

Birgetgo meahcis, leatgo sosiálalaš ja liikot doaibmat buotlágán olbmuiguin ja háliidat bargat eaktodáhtolažžan earenoamáš ja hástaleaddji čuozáhagas Anára girkosiidda lahka Bielbajávrri meahccekirkus. Jos vástidit juo, mii fállat ohcamii eaktodáhtolaš barggu, masa gullet árbevirolaš biotohpa divodeapmi, fuolaheapmi sávzzain, čorgen meahccekirkus ja bosihansajiin ja galledeaddjiid oahpisteapmi čuozáhagas doaibmamis.



Mii ohcat 1-2 eaktodáhtolačča vahkkui dahje guovtte vahkkui hávil (oktiibuot 8 vahku). Vuosttamuš eaktodáhtolaččat besset bargagoahtit juo vahkus mii álgá 13.6.2022 ja maŋimuš eaktodáhtolaš vuolgá eret doppe 8.8.2022. Eaktodáhtolažžan sáhttá ohcat go deavdá ohcamuša dán liŋkka bokte (link.webropolsurveys.com, suomagillii). Ohcanáigi 24.5.2022 dii 15 rádjái.

Eaktodáhtolaš ii oaččo bálkká iige eará buhtadusaid. Eaktodáhtolaččaiguin dahkkojuvvo soahpamuš eaktodáhtolaš barggus, mii dáhkida dáhkádusa eaktodáhtolaš barggu áigái. Čuozáhaga oamasta Davvi-Sámi searvegoddeovttastupmi ja Meahciráđđehusa Lappi Luonddubálvalusat dikšu guovllu vánddardanstruktuvrraid. Meahciráđđehusa Lappi Luonddubálvalusat vástida eaktodáhtolaš barggu ordnemis Bielbajávrri meahccekirkus. Lappi EBI-guovddáš rávve gietti dikšumis ja searvegoddeovttastupmi vástida čuozáhaga luonddu dikšumis ja sávzzain. 

Ovdal ohcama oahpásmuva čuozáhahkii: