Ođđasat

Guolleváriiddikšunmávssut: Áŋgiramos guollebivdi leat nuortan ja davvin

Guolleváriiddikšunmávssuid mákse mannan jagi 9,7 miljon euro ovddas. Eanagottálaš veardádallan iktá, gos leat suoma áŋgiramos guollebivdit. 



Guolleváriiddikšunmáksu lea bákkolaš buohkaide 18-64-jahkásaš guollebivdiide, geat guolástit eará vugiin go bilkemiin, vuokkain dahje sallitvuokkain. Meahciráđđehusa veardádalai jagi 2021 Guolleváriiddikšunmávssu máksiid eanagottiid mielde ja heivehii máksiid meari eanagotti olmmošlohkui. 

Boađus lei čielggas: áŋgiramos máksit leat Davvi-Gárjilis (7,28 %), Kainuus (7,17 %) ja Lappis (7,10 % álbmogis). Unnimusat mávssuid mákse Nuortabađaeatnamis (2,97 %), Lullibađaeatnamis (3,21 %), Satakuntas (3,66 %). Maiddái Davvebađaeatnama, Gaska-Suoma ja Savo olbmot badjánedje oalle áŋgiris guollebivdin. Sis badjel vihtta proseantta mákse guolleváriiddikšunmávssu. 

”Logut muitalit sihke guolástusberoštumis eanagottiid guovdu ja dovddolašvuođas máksit lágas ásahuvvon Guolleváriiddikšunmávssu. Áibbas buohkat eai mávsse, vaikke galggašedje dan dahkat. Dát boahtá ovdan ovdamearkan Meahciráđđehusa meahccebearráigeahččoraporttas mannan jagi bokte. Bearráigehččojuvvon guollebivdiin 5,7 proseanttas ledje váilevuođat guolástanlobiin dahje -mávssuin”, bivdodoallohoavda Jyrki Tolonen dadjá. Almmá guolleváriiddikšunmávssu guolástan olbmuide mearriduvvo rihkussáhkku.  

Eanagottálaš veardádallamis ii leat váldojuvvon vuhtii ahkeráhkadus. Jus guovllus ásset gorálaččat olu badjel 65-jahkásaš dahje vuollel 18-jahkásaš olbmot, guollebivdit sáhttet leat eanet, go dát ahkejoavkkut eai dárbbaš máksit lágas ásahuvvon guolleváriiddikšunmávssu. 

Vehá njiedjan ovddit jagis 

Jagi 2021 guolleváriiddikšunmávssuid lotno 270 000, mii lea 20 000 unnit go olahusjagi 2020. 

Jagi 2021 guolleváriiddikšunmávssuid lotno ealaskasat álgojagi áigge gitta miessemánnui. Čuovvovaš guolástanjahkái ráhkkanedje maiddái bures. Skábmamánu álggus vuovdimássii boahtán jagi 2022 guolleváriiddikšunmávssu vuvde mannan jagi loahpas badjel 10 000 st. 

Guolleváriiddikšunmávssu sáhttá lotnut oppa kaleanddarjahkái (45 €), vahkkui (15 €) dahje jándorii (6 €). Guolleváriiddikšunmávssu sáhttá oastit Meahciráđđehusa neahttagávppis čujuhusas www.eraluvat.fi, Eräluvat-applikašuvnnain, R-kioskkain, bálvalannummiris 020 69 2424 ja Meahciráđđehusa luondduguovddážiin.  

Guolleváriiddikšunmávssuid čoaggá Meahciráđđehus, mii sirdá čoggon ruđaid eana- ja meahccedoalloministeriijai. Eana- ja meahccedoalloministeriija ja EBI-guovddážat mieđihit ruđaid guollečáziid suvdilis ávkkástallama ja dikšuma plánemii ja ollašuhttimii, guolástanbearráigehččui, guolástanbuđaldusa ovddideapmái, guolástussuorggi rávvenbálvalusaide, guolledoalloguovlluid doibmii ja oamasteaddjibuhtadusaide. 

Guolleváriiddikšunmávssu máksiid ossodat eanagottiid mielde 

Davvi-Gárjil 7,28 % 
Kainuu 7,17 % 
Lappi 7,10 % 
Davvi-Savo 5,73 % 
Davvebađaeanan 5,50 % 
Gaska-Suopma 5,33 % 
Mátta-Savo 5,10 % 
Mátta-Gárjil 4,70 %  
Pirkanmaa 4,50 % 
Kanta-Häme 4,15 % 
Päijät-Häme 4,13 % 
Aitosaš-Suopma 3,97 % 
Kymenlaakso 3,94 % 
Helsset-Uusimaa 3,90 % 
Gaskabađaeana 3,85 % 
Satakunta 3,66 % 
Lullibađaeana 3,21 %  
Nuortabađaeana 2,97 %  

Lassedieđut: 

  • eraluvat.fi/kalastonhoitomaksu (suomagillii) 
  • Eana- ja meahccedoalloministeriija  
  • Meahciráđđehus, Bivdobálvalusat 
  • Ealáhus-, biras- ja johtalusguovddážat  
  • Luondduriggodatguovddáš  
  • Suoma lustaáiggeguollebivdiid guovddášsearvi (Suomen Vapaa-ajankalastajien Keskusjärjestö ry)  
  • Guolledoalu guovddášlihttu (Kalatalouden Keskusliitto)  
  • Suoma sisčáhceámmátguollebivdiid lihttu (Suomen sisävesiammattikalastajien liitto ry) 
  • Suoma ámmátguollebivdiid lihttu (Suomen Ammattikalastajaliitto ry)