Sámiid ruovttuguovllu luondduriggodatplána nuoraid bargobájis badjánii fuolla dálkkádatnuppástusas ja luonddu máŋggahámatvuođa geahppáneamis

Meahciráđđehus gárvvista báráige stáhta eana- ja čáhceguovlluid luondduváriid geavaheami jagiin 2022-2027 stivren luondduriggodatplána sámiid ruovttuguvlui. Juovlamánu 7. beaivve gáiddusoktavuođain ordnejuvvon bargobájis guovllu nuorat muitaledje sidjiide dehálaš áššiin, mat váldojit vuhtii luondduriggodatplánemis.

Luondduriggodatplána gárvvisteapmái oassálastet viiddis joavku báikkálaš ja Meahciráđđehusa čanusjoavkkut. Plánaguovlu sisttisdoallá Eanodaga, Ohcejoga ja Anára gielddat ja Soađegili davveoasit. Gáiddusoktavuođain Anára Siiddas ordnejuvvon bargobádjái bovdejedje guovllu 8. luohkáid. Nuoraide, geat eai beassan skuvlabeaivvi áigge oassálastit bargobádjái, ordnejuvvo oassálastin maŋŋá.

Skohtervuodjin, guollebivdu ja vánddardeapmi dehálaš nuoraide

Dilálašvuođas nuoraide muitaledje luondduriggodatplánemis, ja Meahciráđđehusa guovllus bargan eanageavaheami áššedovdit muitaledje barggus ja dan laktáseamis luondduriggodatplánemii. Sámedikki nuoraidráđi sátnejođiheaddji Anni-Sofia Niittyvuopio muitalii sáhkavuorustis luondduriggodatplánema váikkuhusain sámekultuvrra seailumii ja eallinfámolašvuhtii.

Nuorain jerre Mentimeter-applikašuvnnain, makkárin sii vásihit eanageavaheapmái laktásan váikkuhanvejolašvuođaideaset, mii sidjiide luondduváriid geavaheami plánemis lea dehálaš ja mat leat áššit, mat galggašedje rievdat. Lassin nuorat muitaledje áššiin, maid sii vásihit boahttevuođa áittan. Bargobájis nuorain jerrojuvvon áššiid plánejedje ovddalgihtii ovttas Sámedikki nuoraidráđiin.

Nuorat sávvet báikkálaččaid vuhtii váldima, boazodoalu vuhtii váldima ja luonddu máŋggahámatvuođa dorvvasteami. Váikkuhanvejolašvuođain jearadettiin áicojuvvui, ahte nuorain lea hállu váikkuhit eanageavaheapmái, muhto sii eai vásit vejolašvuođaideaset buorrin. Skohtervuodjin, guolle- ja meahccebivdu ja vánddardeapmi leat dilálašvuođa mielde dehálaččat luonddus leahkimis.

Bargobájiin áššedovdamuš plánemii

Nuoraid bargobájis ovdan boahtán áššit váldojuvvojit vuhtii, go doaimmaid álgolinnjemiin ságastallagoahtit ovttasbargojoavkkus ođđajagis. Guovllu doaibmiin čoahkkanan ovttasbargojoavku lea guovddáš oktasašplánema bargoneavvu luondduriggodatplánemis.

Miehtá čavčča ordnejuvvon temájoavkkuid bargobájiin gielddaid ovddasteaddjit sihke ealáhusaid ja luonddu suvdilis ávkkástallamiin, áhpásmuvviin, turismmain ja kulturárbbiin doaibmit leat buktán iežaset áššedovdamušas mielde plánemii.

Ođđajagimánus rahppojuvvo buohkaide rabas web-vuđđosaš kártajearahallan. Lassin jagi álggus ordnejuvvo gieldadilálašvuođaid ráidu, main plánaguovllu gieldda olbmot besset muitalit áššiin, maid sii sávvet váldot vuhtii plánemis.

Lassedieđuid plánemis sámiid ruovttuguovllus addet: