Meahciráđđehusa Luonddubálvalusat dahká dán vahkus vuovddi boaldima luonddusuodjaleami dihtii Soađegilis Urho Kekkonen álbmotmeahcis. Boaldimis boahtá suovva. Gádjunlágádus lea dihtosis boaldimis.
Urho Kekkonen álbmotmeahci máttaoasis dahkkojuvvo viiddis vuovddi boaldin luonddusuodjaleami dihtii Luiro- ja Riebanjoga ruossanansaji davábealde Kaita-aapa lahkosis. Čuozáhat mii boldojuvvo lea agis beales sullii 60-jahkásaš gilvojuvvon beahcevuovdi.
Figgat boaldit čuozáhaga gaskavahku ja duorastaga áigge, jus dálkkit dahket dan vejolažžan. Guvlui lea njeidojuvvon nu gohčoduvvon buollinguorbmi juo mannán jagi, goas boaldin lei ulbmil dahkkojuvvot. Mannan gease dálkediliid dihtii boaldin ii goittotge dalle lihkostuvvan.
Boaldin lea oassi guovllu boaldinjoatkagis, ja plána lea girjejuvvon maiddái álbmotmeahci birasministeriija nannen dikšun- ja geavahanplánii.
Boaldimis šaddan suovva oidno guhkás. Guovlu mii boldojuvvo lea guhkkin álbmotmeahci vánddardančuozáhagain. Boaldin lea oassi Eurohpá uniovnna ruhtadan Beetles LIFE -prošeavtta (metsa.fi, suomagillii).
Lassidieđut
