Váhčira meahcceguovllu dikšun- ja geavahanplánaevttohusas bivdit oaiviliid

Anáris lean Váhčira meahcceguovllu dikšun- ja geavahanplánaevttohus lea gárvánan, ja dál das sáhttá dadjat oaivilis. Plánas linnjejit guovllu doaibmabijuid ja guovllu ávkkástallama čuovvovaš 10-20 jahkái. 

Váhčira meahcceguovlu lea dehálaš sámekultuvrii ja boazodollui ja mearkkašahtti bivdovánddardan- ja meahccebivdoguovlu. Dasa gullet Anárjávrri nuortaosiid čáppa gáttit ja eatnatlohkosaš sullot ja viiddis jávrri davvenuortabeale goahccevuvddiid, jekkiid ja čáziid mosaihka. Meahcceguovllu davvenuortaoassi, aitosaš Váhčira badjeeana, badjána muorahis duottarčielgin.Oppalaččat guovllu viidodat lea sulaid 1570 km2 ja Váhčir lea Lappi meahcceguovlluin viđádin stuorámus. 

Váhčiris leat vihtta stobu vánddardeaddjiide ja moadde lávu, goađi ja dolastallanbáikki. Máttanuortaoasis lea moattelogi kilomehtera guhkkosaš Piilola geassevánddardanmáđidja. Dálá bálvalanrusttegat seailluhuvvojit boahttevuođasge. 

Piilola geassevánddardanmáđidja. Govva: Kirsi Ukkonen.

Váhčira meahcceguovllus leat badjelaš 90 kilomehtera skohterluottat. Plánema loahppamuttus ožžo čanusjoavkkuin evttohusa Njellimis Čeavetjávrri guvlui johtán skohterluotta heaittiheamis. Maiddái das bivdet bivdojuvvo cealkit seammás go muitaluvvo oaivil oppa dikšun- ja geavahanplánas. Ášši čovdojuvvo cealkámušjorrosa maŋŋá, go buot intreassajoavkkut leat gullojuvvon. 

Plánaevttohusas linnjejit maiddái guovllu dihto geavahanhámiid lohpevihkkehallama. Ovdamearkan juohkeolbmorivttiid bajábeale beanaleaŋggusdoibmii eai mieđihuvvo lobit nannángovlui. Lassin plánain stivrejit stáhta eatnamiid guoskevaš geavahanrivttiid luobaheami earálágan doarjjabáikkiid várás.
 
Viiddis oassálastin plánii 

Plánas leamašan mielde viiddis, guovllu guovddáš čanusjoavkkuin dahkkon ovttasbargojoavku. Ovttasbargojoavkkus leamašan mielde earret eará gieldda, luonddusuodjaleami, meahcástan- ja guolástanbeliid ja boazodoalu ovddasteaddjit. 

Váhčira meahcceguovlu gullá ollásit sámiid ruovttuguvlui ja measta ollásit nuortalašlágas oaivvilduvvon nuortalašguvlui. Plánema leat dahkan ovttasbarggus maiddái Sámedikki ja Nuortalaččaid siidačoahkkima nammadan Akwé: Kon -bargojoavkkuin. 

Váhčir, dego earáge meahcceguovllut leat vuođđuduvvon guovlluid meahcceluonddu seailluheapmin, sámekultuvrra ja luondduealáhusaid dorvvasteapmin sihke luonddu máŋggabealat ávkkástallama ja dan gáibádusaid ovddideapmin. Meahcceguovlolága mielde Meahciráđđehus galgá gárvvistit buot meahcceguovlluide dikšun- ja geavahanplána, man birasministeriija nanne. Ovddit plána lea jagis 2007.
 
Plánii sáhttá oahpásmuvvat Meahciráđđehusa neahttasiidduin 

Váhčira meahcceguovllu dikšun- ja geavahanplánaevttohusas sáhttá addit cealkámuša 20.2.2020 rádjai.

Plána lea oaidninláhkái Meahciráđđehusa neahttasiidduin http://www.metsa.fi/vatsarisuunnittelu 

Cealkámušaid ja oaiviliid bivdit sáddet šleađgapoasttain čujuhussii kirjaamo@metsa.fi dahje reivviin čujuhusain Metsähallitus/Kirjaamo, PL 94, 01301 Vantaa. 
 
Lassidieđut:

Spesiálaplánejeaddji Liinu Törvi, telefon 040 7541512, šleađgapoasta liinu.torvi(at)metsa.fi