Eaktodáhtolašdoaibma

Beroštatgo Suoma luonddus? Háliidatgo atnit fuola das, ahte min luonddu ipmašat seilot maiddái boahttevaš buolvvaide? Dahje háliidatgo oahpásmuvvat ođđa olbmuide ja buoridit iežat rumašlaš vuimmiid hárát gieđas?

Meahciráđđehus fállá ovttasbargoguimmiidisguin eaktodáhtolašdoaimma várás vejolašvuođaid, mat heivejit mánáide, nuoraide ja rávesolbmuide.  Sáhtát bargat álbmogasbarggu juogo ovtta beaivvi dahje badjel vahkkoloahpa dahje searvat juoba guovttevahkkosaš eaktodáhtolašdoibmii. Barggu oktavuođas dus lea buorre liiba beassat lotkkodit Suoma fiidnáseamos luonddus.

Eaktodáhtolašdoaibma molsašuddá álo dan mielde, gos ja maid dárbbuid várás dat dahkkojuvvo. Dábáleamos bargguide gullet lundui guoskevaš sierralágan dikšun- ja ordnestallanbarggut, dego láddjenbarggut, áiddiid divodeapmi dahje visttiid ordnen, šlájaid čuovvun- ja inventerenbarggut ja johtolagaid plánen. Eaktodáhtolaš bargit lávejit maiddái biigostallat ja reŋgostallat ja sii sáhttet bargat maiddái sávzageahččin. Dus ii dárbbaš leat ovddit máhttu, dasgo mii oahpistat buot eaktodáhtolaš bargiid barggus álgui.

Juohkehažžii, guhte berošta álbmotmehciin ja luonddusuodjaleamis, mii sáhttit ovttas ohcat sutnje su iežas vuogi doaibmat gos beare Suomas, ja mii váldit maiddái vuostái ođđa guigosiid. Dus ii dárbbaš leat ovddit hárjánupmi luonddusuodjalanbarggus, lea doarvái ahte liikot rasildit luonddus ja bargat ovttas earáiguin.

Eaktodáhtolašdoaimma vejolašvuođaid sáhttá guorahallat ovttas nu ovttaskas olbmuiguin, servošiiguin go maiddái fitnodagaiguin.

Geasuhago dákkár doaibma du? Váldde oktavuođa midjiide šleađgapoastta bokte: vapaaehtoistoiminta@metsa.fi.