Boazojávrri láigostohpu

4.2.2021
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon. Geahča dili siidduideamet ja čuovo min rávvagiid.

Guokte unna stobu Giehtaruohttasa meahcceguovllus Boazojávrri (Porojärvi) geažis. Stohpu dovdojuvvo UKK -stohpun, danin go dat leamaš presideanta Kekkosa giehtaruohttasa čuoiganmátkkiid doarjjabáikin. Dohko beasá vácci, čuoigga dahje mohtorgielkkáin Gilbbesjávrris (45 km).

Fuomáš, ahte láigostohpu lea gitta 16.8.–6.9.2021.

Sajádat

Davvi-Lappi, Eanodat (enontekio.fi, suomagillii), Giehtaruohttasa meahcceguovlu

Stobu koordináhtat: Euref-Fin (~ WGS84) lat: 69° 8.784' lon: 21° 35.108' ETRS-TM35FIN: N: 7680184 E: 285117

Riikkageainnu mielde E8 Gilbbesjávrái, gos 45 km vácci, čuoigga dahje mohtorgielkkáin. Stohpu lea Boazojávrri (Porojärvi) nuorttageaži máttagáttis Poroeno njálmmis.
Ránnján lea Boazojávrri ávdinstohpu 1 km geahčen.

Gárttat

Halti-Kilpisjärvi olgolihkadankárta, 1:50 000
Duovddakárta nr W343 1:50 000 / (Maastokartta nro W343 1:50 000)
Kalohttageinnodaga gárta
Retkikartta.fi (suomagillii)

Haddi

250 € / jnd. dahje 1500 € / vahkku. Hattit sis. 10% alv.

Čoavdagiid

Čoavdagiid sáhttá viežžat máksoguitte vuostá Gilbbesjávrri luonddu-dállu
dahje Neste Kilpisjärvi, (Käsivarrentie 14205, 99490, Kilpisjärvi, tel. 010 320 4771, neste.kilpis(at)gmail.com)
dahje Arctic Knife gávpis, (Muoniontie 1632, 99320 Kätkäsuvanto,tel. 0400 695 796)
dahje Duottar-Sámi luondduguovddáš, tel. 0206 39 7950.
Dárkkis rabasáiggiid čoavdaga viežžansajis ovddalgihtii. Čoavdda máhcahuvvo seamma sadjái.

Biergasat

UKK-stobus leat guokte geardeseaŋgga, ginttalčuovga, gássauvdna, liggen muorrauvnnain.

Bálddas lea j.1998 huksejuvoon fuolahanstobus vuoššannurki, gássauvdna/uvdna, ginttalčuovga, guokte geardeseaŋgga, main nubbi bartaisida lanjas, liggen muorrauvnnain. Sierra gáddesávdni ja olgohivsset. Fanas.

Stobus lea ruskabáiki. Vánddardeaddjit galggašedje ieža buktit bázahusaideaset eret meahcis. Loga lasi ribahis vánddardeamis.

Fuopmášumit

Gilbbesjávrrái lea mátki 45 km. Dobbe lea gávpi, boaldámušjuohkin ja restauráŋŋa. Meahciráđđehusa Gilbbesjávrri luonddudállu lea rabas sesoŋgaáiggiid giđas čakčii. Eanodaga girkosiidii Heahttái lea mátki 120 km. Heahtás lea girdingielddi, Duottar-Sámi luondduguovddáš ja eará bálvalusat.

Mohtorgielkkáin johtin stobu lusa gáibida meahccejohtaluslobi. Lobi sáhttá skáhppot Duottar-Lappi luondduguovddášis, tel. 0206 39 7950.
Fuomáš! Skáhppo lobi maŋimustá vahku ovdal go vuolggat čuozáhahkii.

Guođe stobu dan ortnegii, go ieš livččet čuovvovaš áššehas. Min fuolahus ii nagot dárkkistit stobuid áššehaččaid maŋŋá. Jos stohpu lea boađedettiinat čorgekeahttá, váldde oktavuođa dalán stobu fuolaheaddjái. Čorgemeahttun stobus ja šiljus gártat álo čállit rehkega.

Guolástanguovlu

Fávlesajiin guolástettiin galgá leat máksojuvvon
guollenáliiddikšunmávssu (eräluvat.fi, suomagillii) sihke Eanodaga meahcceguovllu 1551-lohpi (eraluvat.fi, suomagillii) Lätäsenos guolástettiin galgá leat Lätäseno guolástanguovllu lohpi (eraluvat.fi, suomagillii). Lohpi vuoigadahttá guolástit guovllus Poroeno -Isokurkkio, Vähäkurkkio ii gula lohpeguvlui. Guolástanlobiid vuvdet Meahciráđđehusa áššehasbalvalansajiid lassin maiddái báikkálaš fitnodatdoallit.

Smávvafuođđoguovlu

Meahcástanguovlu 1613 Giehtaruohtas (eraluvat.fi, suomagillii). Meahcastanšlájat leat lagamustá rievssat ja njoammil. Beatnagiin meahcásteaddjit galget váldit oktavuođa bálgosa siiddaid isiđiidda.

Meahcástanlobiid vuvdet Meahciráđđehusa áššehasbálvalansajit, ee Duottar-Lappi luondduguovddáš.

Fuolahusas vástida

Meahciráđđehus, Lappi Luonddubálvalusat.
Lassedieđut: Duottar-Sámi luondduguovddáš tel 0206 39 7950.