Davvi-Sámi luondduguovddáš Siida oahpaheddjiide

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.
1.10.2020
Siidda viiddideapmi ja vuođđodivvun. Siida-ráhkadus vuođđodivvojuvvo ja viiddiduvvo 2020 – 2022 ja čájáhusat ođasmuvvet. Loga lasi Siidda siidduin.

Materiálat

Luondduoahpisteamit

  • Fállun oahpistuvvon tuvrrat joavkkuide.
  • Oahpisteami galgá várret ovdalgihtii ja dat máksá 120 € / joavku.
  • Oahpisteapmi bistá sullii 1 h.
  • Vuogas joavkosturrodat lea eanemustá 25 olbmo.

Loga lasi oahpistemiin (siida.fi).

Tuvracavgileamit

  • Juvdubálggis (8 km) manná Juvdujoga gátti mielde ja ovdanbuktá anáraš ruovttujoga muitalusaid bokte. Bálgás sáhttá johtit maid oanehut osiid.
  • Bielbbajávrri meahccegirku (oktiibuot 7,5 / 10 km) ja dan giettit leat čáppa kulturčuozáhat. Bálgá guoras háikat leat oaidninveara!
  • Ohcomašduottar (oktiibuot 6 / 18 km) hálddaša Anára girkosiidda lagasbirrasa ja duoddara alážis rahpasit fiinna duovdagat sihke Anárjávrái go maiddái Leammi álbmotmeahci duoddariidda sihke Muotkeduoddara ja Bátneduoddara meahcceguovlluide. Beaivetuvrra Ohcomašduoddarii sáhttá plánet sierra guhkkosažžan. Loga lasi Anára tuvraguovllu luonddubálgás ja eará tuvrrain.

Boradeamit

  • Anára tuvraguovllus lea nisttiid borramii heivvolaš dollasajit, ja Davvi-Sámi luondduguovddáš Siidda šiljus leat beavddit ja beaŋkkat.
  • Tuvrraid ABC:s gávdno lassediehtu almmolaččat tuvrabiebmus sihke rávvagat birasustitlaš nisttiid (suomagillii) skáhppomii.
  • Siidda restoráŋŋa Sarrit (siida.fi) fállá njálgga biebmu sihke sálte ja sohkaris gáhkuid davi láibunávdnasiin. Joavkkuid boradanbálvalusat lágiduvvojit diŋgojumiid vuođul. Diŋgojumis sáhttá maid várret boradeami Siidda gámmii.
  • Anára girkosiiddas leat joavkkuide heivvolaš boradanbáikkit.

Lanjat ja reaiddut

Oahpahusgeavahussii lea vejolaš láigohit (siida.fi) Siidda ráđđádallanlanjaid (s. 10 olbmui) dahje auditoria (80 báikki).